सेलूतील खून प्रकरणी आरोपीच्या अटकेच्या मागणीसाठी नातेवाईकांचा ठिय्या सेलूतील खून प्रकरणी आरोपीच्या अटकेच्या मागणीसाठी नातेवाईकांचा ठिय्या

सेलूतील खून प्रकरणी आरोपीच्या अटकेच्या मागणीसाठी नातेवाईकांचा ठिय्या

Post by Mohsin ahmed khan

हिंगोली (प्रतिनिधी) : प्रस्तावित शक्तीपीठ महामार्गाच्या विरोधात हिंगोली जिल्ह्यातील बाराशिव येथे आज नागरिकांची महत्त्वपूर्ण बैठक पार पडली. या बैठकीत स्वाभिमानी शेतकरी संघटनेचे मराठवाडा अध्यक्ष किशोर ढगे व स्थानिक शेतकरी, ग्रामस्थ आणि विविध संघटनांचे पदाधिकारी मोठ्या संख्येने उपस्थित होते.बैठकीत महामार्गामुळे शेती जमीन संपादन, पर्यावरणीय परिणाम तसेच स्थानिकांच्या उपजीविकेवर होणाऱ्या परिणामांबाबत तीव्र चिंता व्यक्त करण्यात आली. उपस्थितांनी शासनाने हा प्रकल्प राबविताना स्थानिकांचा विचार न केल्याचा आरोप करत संताप व्यक्त केला.यावेळी अनेकांनी आपले मत मांडत महामार्गाच्या प्रस्तावाला विरोध दर्शविला आणि हा प्रकल्प रद्द करावा, अशी मागणी केली. तसेच पुढील काळात तीव्र आंदोलन छेडण्याचा इशाराही देण्यात आला.

Post by Ramesh Mulgir

शिवकुमार काळे सविस्तर वृत्त दिनांक १९ एप्रिल मनमाड: नाशिक जिल्ह्यातील मनमाड रेल्वे स्थानकावर काल एका माथेफिरू तरुणाने केलेल्या जीवघेण्या कृत्यामुळे प्रवाशांची मोठी धावपळ उडाली. हा तरुण प्लॅटफॉर्म क्रमांक ४ वरील रेल्वेच्या ओव्हरहेड इलेक्ट्रिक (OHE) खांबावर चढून थेट २५ हजार व्होल्टच्या जिवंत विद्युत तारेजवळ पोहोचला होता. नेमकी घटना काय? मिळालेल्या माहितीनुसार, शनिवारी दुपारी एका अनोळखी तरुणाने अचानक प्लॅटफॉर्मवरील हाय-टेंशन वायरच्या खांबावर चढायला सुरुवात केली. त्याला तारांच्या जवळ पाहून स्थानकावर एकच खळबळ उडाली. आरपीएफ (RPF), रेल्वे पोलीस आणि स्थानक कर्मचाऱ्यांनी तातडीने घटनास्थळी धाव घेत रेल्वेचा वीज पुरवठा खंडित केला, ज्यामुळे मोठी दुर्घटना टळली. प्रशासनाची कसरत आणि रेस्क्यू ऑपरेशन: हा तरुण वरून उडी मारण्याची धमकी देत असल्याने त्याला खाली उतरवणे पोलिसांसमोर मोठे आव्हान होते. सुमारे एक ते दोन तास हा थरार सुरू होता. अखेर रेल्वे पोलीस आणि स्थानिक नागरिकांनी अतिशय शिताफीने दोरखंडाच्या साहाय्याने त्याला सुरक्षितरीत्या खाली उतरवले. रेल्वे वाहतुकीवर परिणाम: या सर्व प्रकारामुळे मध्य रेल्वेच्या वाहतुकीवर काही काळ परिणाम झाला. वीज पुरवठा खंडित केल्यामुळे काही गाड्यांच्या वेळापत्रकात बदल झाला, तर काही गाड्यांचे प्लॅटफॉर्म बदलण्यात आले. सुदैवाने, या घटनेत कोणतीही जीवितहानी झाली नाही. प्राथमिक अंदाजानुसार हा तरुण मानसिकदृष्ट्या विचलित असल्याचे सांगण्यात येत आहे. रेल्वे पोलीस आता या प्रकरणाचा अधिक तपास करत असून संबंधित तरुणाची ओळख पटवण्याचे काम सुरू आहे.

Post by अशोक दगडू वाघमारे

शिक्षकांची सहल ठरली काळरात्र ! व्हॅन दरीत कोसळली; ९ शिक्षकांचा मृत्यू - पहा भयानक व्हिडिओ ! तामिळनाडू राज्यातील वालपराई येथे शुक्रवारी (दि. १७ एप्रिल २०२६) संध्याकाळी भीषण अपघात घडला. पर्यटकांची व्हॅन खोल दरीत कोसळल्याने ९ शिक्षकांचा दुर्दैवी मृत्यू झाला असून ४ जण गंभीर जखमी झाले आहेत.

जालना - अज्ञात व्यक्तीकडून निघृण खून; दरेगाव वन विभागाच्या जंगलात सापडला मृतदेह! जालना तालुक्यातील दरेगाव येथील वनविभागाच्या जंगल परिसरात आज (१९ एप्रिल) एक धक्कादायक घटना उघडकीस आली आहे. एका व्यक्तीचा मृतदेह संशयास्पद अवस्थेत आढळून आल्याने परिसरात मोठी खळबळ उडाली आहे. मृत व्यक्तीची ओळख कैलास पवार (रा. इंदेवाडी) अशी पटली असून त्यांचा अज्ञात व्यक्तीकडून निघृण खून झाल्याची शक्यता व्यक्त केली जात आहे.घटनेची माहिती मिळताच तालुका पोलिसांनी तात्काळ घटनास्थळी धाव घेतली असून पंचनामा करून तपासाला सुरुवात केली आहे.