చంచల్‌గూడలో బీజేపీ నేతలు, హిందూ సంఘాల వ్యక్తులు నిరసన దిగారు చంచల్‌గూడలో బీజేపీ నేతలు, హిందూ సంఘాలు నిరసన చేపట్టాయి. గణేశ్‌ ప్రసాదాన్ని అపవిత్రం చేసేందుకు ప్రయత్నం జరిగిందని ఆరోపిస్తూ ఆందోళనకారులు నినాదాలు చేశారు. మత విశ్వాసాలను దెబ్బతీసిన వారిపై చర్యలు తీసుకోవాలని డిమాండ్‌ చేశారు. పోలీసులు ఘటనాస్థలానికి చేరుకుని పరిస్థితిని అదుపులోకి తీసుకున్నారు.

చంచల్‌గూడలో బీజేపీ నేతలు, హిందూ సంఘాల వ్యక్తులు నిరసన దిగారు చంచల్‌గూడలో బీజేపీ నేతలు, హిందూ సంఘాలు నిరసన చేపట్టాయి. గణేశ్‌ ప్రసాదాన్ని అపవిత్రం చేసేందుకు ప్రయత్నం జరిగిందని ఆరోపిస్తూ ఆందోళనకారులు నినాదాలు చేశారు. మత విశ్వాసాలను దెబ్బతీసిన వారిపై చర్యలు తీసుకోవాలని డిమాండ్‌ చేశారు. పోలీసులు ఘటనాస్థలానికి చేరుకుని పరిస్థితిని అదుపులోకి తీసుకున్నారు.

బ్రాహ్మణవెల్లంలలో గణనాథులను దర్శించుకున్న ఎమ్మెల్యే వేముల వీరేశం నకిరేకల్ నియోజకవర్గo:- శ్రీ గణేష్ నవరాత్రి ఉత్సవాల్లో భాగంగా నార్కెట్‌పల్లి మండలం బ్రాహ్మణవెల్లంల గ్రామంలో వివిధ ప్రాంతాల్లో ప్రతిష్టించిన గణపతి విగ్రహాలను ప్రభుత్వ విప్, నకిరేకల్ ఎమ్మెల్యే శ్రీ వేముల వీరేశం దర్శించుకుని ప్రత్యేక పూజలు నిర్వహించారు. గ్రామంలోని బస్టాండ్, హైస్కూల్ సమీపం, బొప్పని కౌశమ్మ ఇంటి వద్ద, హాస్టల్, పీహెచ్‌సీ సమీపం, గుత్తా నర్సిరెడ్డి ఇంటి వద్ద, పాత ఎస్సీ కాలనీ, జమ్మిచెట్టు, కొత్తగూడెం నూతన కాలనీ, కొత్తగూడెం బస్టాండ్, ఎస్టీ కమిటీ హాల్ వద్ద ఏర్పాటు చేసిన గణపతి మండపాలను ఎమ్మెల్యే సందర్శించారు. ప్రతి మండపం వద్ద ఉత్సవ కమిటీ సభ్యులు, స్థానికులు ఎమ్మెల్యే వేముల వీరేశానికి ఘన స్వాగతం పలికారు. అనంతరం ఆయన గణనాథుడిని దర్శించుకుని ప్రత్యేక పూజలు నిర్వహించారు. ఈ సందర్భంగా నియోజకవర్గ ప్రజలందరూ సుఖసంతోషాలతో, ఆయురారోగ్యాలతో ఉండాలని గణనాథుడిని ప్రార్థించారు. ఈ కార్యక్రమాల్లో స్థానిక ప్రజాప్రతినిధులు, కాంగ్రెస్ పార్టీ నాయకులు, యువజన నాయకులు, ఉత్సవ కమిటీ సభ్యులు, భక్తులు, గ్రామస్థులు పెద్ద సంఖ్యలో పాల్గొన్నారు.

మార్కాపురం జిల్లా కేంద్రంలో పలు అభివృద్ధి కార్యక్రమాలకు శంకుస్థాపన చేసిన ఎమ్మెల్యే మార్కాపురం జిల్లా కేంద్రంలోని పలు వార్డులలో అభివృద్ధి కార్యక్రమాలకు ఎమ్మెల్యే కందుల నారాయణరెడ్డి శంకుస్థాపన చేశారు. ఈ సందర్భంగా ఎమ్మెల్యే మాట్లాడుతూ పట్టణాభివృద్ధి కార్యక్రమాల్లో భాగంగా 10,11,12 వార్డులలో సీసీ రోడ్ల నిర్మాణానికి శంకుస్థాపన చేయడం జరిగిందన్నారు. 32 కోట్ల రూపాయలు రాబోతున్నాయి వాటిలో సిసి రోడ్లు నిర్మించేందుకు చర్యలు తీసుకున్నామన్నారు. జిల్లాలో ప్రజలు సంతోషంగా ఉన్నారన్నారు

కోదాడలో భారీ అగ్నిప్రమాదం. 4 ఎలక్ట్రిక్ స్కూటీలు దగ్ధం... సూర్యాపేట సిటీ' సెప్టెంబరు 21: కోదాడ పట్టణంలోని హుజూర్ నగర్ రోడ్డు టీచర్స్ కాలనీలోని తెల్లవారుజామున HR ఈవీ మోటార్స్ షోరూమ్ లో షార్ట్ సర్క్యూట్తో నాలుగు ఎలక్ట్రిక్ స్కూటీలు దగ్ధమయ్యాయి. ఈ ఘటనలో రూ.3 లక్షల ఆస్తి నష్టం జరిగినట్లు సమాచారం. మంటలు చెలరేగడంతో స్థానికులు అగ్నిమాపక సిబ్బందికి సమాచారం అందించారు. వెంటనే చేరుకున్న సిబ్బంది మంటలను అదుపులోకి తెచ్చారు. షోరూమ్లో వినాయకుడి విగ్రహం కూడా పూర్తిగా కాలిపోయింది.

సర్దార్ పటేల్ యొక్క రాజనీతితో 525 సంస్థానాలను అఖండ భారత్ లో తన రాజకీయ చతురతోని విలీనం చేసి సార్వభౌమాధికారం రాజ్యంగా తయారు చేసిండు : వంగవీటి

ఒడిశా నుంచి గోవాకు గంజాయి తరలింపు.. అంతర్రాష్ట్ర ముఠా గుట్టురట్టు! 22 కిలోల గంజాయి స్వాధీనం.. ఇద్దరు అరెస్ట్‌.. రూ.24 లక్షల విలువైన వాహనం, వస్తువులు సీజ్‌ మేడ్చల్–మల్కాజిగిరి జిల్లా, పోచారం: ఒడిశా నుంచి గోవాకు భారీగా గంజాయిని తరలిస్తున్న అంతర్రాష్ట్ర ముఠాను ఉప్పల్‌ జోన్‌ ఎస్‌ఓటీ పోలీసులు పట్టుకున్నారు. విశ్వసనీయ సమాచారం మేరకు పోచారం ఐటీ కారిడార్‌ పోలీస్‌స్టేషన్‌ పరిధిలోని యమ్నంపేటలో పోలీసులు వాహన తనిఖీలు చేపట్టారు. పద్మనాభస్వామి ఆలయ ఆర్చ్‌ సమీపంలో అనుమానాస్పదంగా వెళ్తున్న మారుతి బలెనో కారును తనిఖీ చేయగా అందులో 22 కిలోల గంజాయి బయటపడింది. ఈ ఘటనలో ఒడిశాకు చెందిన అనిల్‌కుమార్‌ గౌడ, అవినాష్‌ శర్మలను పోలీసులు అరెస్టు చేశారు. వారి వద్ద నుంచి గంజాయితో పాటు బలెనో కారు, రెండు సెల్‌ఫోన్లు, ఒక కత్తిని స్వాధీనం చేసుకున్నారు. స్వాధీనం చేసుకున్న గంజాయి, వాహనం, ఇతర వస్తువుల మొత్తం విలువ సుమారు రూ.24 లక్షలు ఉంటుందని పోలీసులు తెలిపారు. ఈ గంజాయి రవాణా వ్యవహారంలో మరో ఇద్దరు వ్యక్తులు పరారీలో ఉన్నట్లు పోలీసులు గుర్తించారు. వారి కోసం గాలింపు చర్యలు కొనసాగుతున్నాయి. అరెస్టు చేసిన నిందితులతో పాటు స్వాధీనం చేసుకున్న వస్తువులను పోచారం ఐటీ కారిడార్‌ పోలీసులకు అప్పగించారు. పోలీసులు కేసు నమోదు చేసి, గంజాయి రవాణా వెనుక ఉన్న నెట్‌వర్క్‌, పరారీలో ఉన్న వ్యక్తుల వివరాలపై దర్యాప్తు చేస్తున్నారు.

పేదల ఇళ్లను కూల్చవద్దని మాజీ మంత్రి పువ్వాడ అజయ్ కుమార్ ప్రభుత్వాన్ని కోరారు పేదల ఇళ్లను కూల్చవద్దని మాజీ మంత్రి పువ్వాడ అజయ్ కుమార్ ప్రభుత్వాన్ని కోరారు. ఖమ్మం శ్రీనివాస్ నగర్ నివాసితుల పక్షాన తాను అండగా నిలబడి తమకు న్యాయం జరిగే వరకు కోట్లాడుతానని భరోసా ఇచ్చారు. BRS పార్టీ, లీగల్ సెల్ ద్వారా కోర్టులో పోరాడి న్యాయం చేస్తామని, ఎవరికీ భయపడి తెల్ల కాగితాలపై సంతకాలు చేయవద్దని బాధితులకు సూచించారు. ధైర్యంగా ఉండాలని, ఎవరూ ఏం చెప్పినా నమ్మొద్దన్నారు.

రైతుల సమస్యలను పట్టించుకోని కాంగ్రెస్ ప్రభుత్వం రైతులకు విద్యుత్, సాగునీరు సక్రమంగా అందించాలి: మాజీ ఎమ్మెల్యే చిరుమర్తి లింగయ్య నకిరేకల్ నియోజకవర్గo:- నార్కెట్‌పల్లి మండలం కొండపానగూడెం గ్రామంలో మాజీ ఎమ్మెల్యే చిరుమర్తి లింగయ్య రైతులను కలిసి, కాంగ్రెస్ ప్రభుత్వం అధికారంలోకి వచ్చిన తర్వాత రైతులు ఎదుర్కొంటున్న సమస్యలను అడిగి తెలుసుకున్నారు. ఈ సందర్భంగా చిరుమర్తి లింగయ్య మాట్లాడుతూ.. కాంగ్రెస్ ప్రభుత్వం అధికారంలోకి వచ్చిన తర్వాత రైతుల కష్టాలు పెరిగాయని విమర్శించారు. వ్యవసాయానికి అవసరమైన విద్యుత్ సక్రమంగా అందకపోవడం, సాగునీటి కొరతతో రైతులు తీవ్ర ఇబ్బందులు ఎదుర్కొంటున్నారని అన్నారు. నార్కెట్‌పల్లి మండల పరిధిలోని భ్రమణవెల్లెం గ్రామాల వద్ద ఉన్న ఉదయ సముద్రం ప్రాజెక్టుకు గత బీఆర్‌ఎస్ ప్రభుత్వ హయాంలో నిధులు కేటాయించి పనులు పూర్తి చేసి ట్రయల్ రన్ నిర్వహించామని తెలిపారు. అయితే కాంగ్రెస్ ప్రభుత్వం అధికారంలోకి వచ్చిన తర్వాత గత ప్రభుత్వ హయాంలో పూర్తయిన పనులకు కొత్తగా ప్రారంభోత్సవాలు, రిబ్బన్ కటింగ్‌లు చేయడం తప్ప రైతులకు సాగునీరు అందించడంపై తగిన చర్యలు తీసుకోవడం లేదని ఆరోపించారు. రైతులకు రోజుకు 12 గంటల విద్యుత్ అందిస్తామని ఎన్నికల సమయంలో హామీ ఇచ్చి, కనీసం 5 గంటలు కూడా సక్రమంగా విద్యుత్ అందించలేని పరిస్థితి నెలకొందని అన్నారు. ఎన్నికల సమయంలో ప్రజలకు ఇచ్చిన హామీల అమలుపై దృష్టి సారించకుండా రాజకీయ కక్ష సాధింపు చర్యలకు పాల్పడటం సరికాదని పేర్కొన్నారు. కాంగ్రెస్ ప్రభుత్వం ప్రజలకు ఇచ్చిన 420 హామీల అమలుపై దృష్టి సారించాలని డిమాండ్ చేశారు. రాజకీయ దాడులు, విమర్శల కంటే రైతులకు నిరంతరాయంగా విద్యుత్, సాగునీరు అందించడం ప్రభుత్వ ప్రధాన ప్రాధాన్యతగా ఉండాలని అన్నారు. రైతులకు ఇచ్చిన హామీలను నెరవేర్చి, సాగునీరు మరియు విద్యుత్‌ను సక్రమంగా అందించాలని కాంగ్రెస్ ప్రభుత్వాన్ని డిమాండ్ చేశారు.