તાજેતરના કિસ્સાઓ બાદ એક સવાલ ઉભો થયો છે કે જ્યારે કોઈ રેસ્ટોરન્ટમાં ખાવાલાયક વસ્તુમાંથી કીડા કે અન્ય અખાદ્ય પદાર્થ નીકળે, ત્યારે તેની જવાબદારી કોની રહેશે. આ પ્રશ્ન ત્યારે વધુ પ્રસ્તુત બને છે જ્યારે સોશિયલ મીડિયા ઇન્ફ્લુએન્સર્સ આવા રેસ્ટોરન્ટનો પ્રચાર કરતા હોય છે. લોકોમાં ચર્ચા છે કે જો રેસ્ટોરન્ટના ભોજનમાં ખામી જણાય, તો શું તેનો પ્રચાર કરનાર ઇન્ફ્લુએન્સર પણ સમાન રીતે જવાબદાર ગણાશે, કે માત્ર રેસ્ટોરન્ટના માલિકને જ આ પરિણામ ભોગવવું પડશે.

તાજેતરના કિસ્સાઓ બાદ એક સવાલ ઉભો થયો છે કે જ્યારે કોઈ રેસ્ટોરન્ટમાં ખાવાલાયક વસ્તુમાંથી કીડા કે અન્ય અખાદ્ય પદાર્થ નીકળે, ત્યારે તેની જવાબદારી કોની રહેશે. આ પ્રશ્ન ત્યારે વધુ પ્રસ્તુત બને છે જ્યારે સોશિયલ મીડિયા ઇન્ફ્લુએન્સર્સ આવા રેસ્ટોરન્ટનો પ્રચાર કરતા હોય છે. લોકોમાં ચર્ચા છે કે જો રેસ્ટોરન્ટના ભોજનમાં ખામી જણાય, તો શું તેનો પ્રચાર કરનાર ઇન્ફ્લુએન્સર પણ સમાન રીતે જવાબદાર ગણાશે, કે માત્ર રેસ્ટોરન્ટના માલિકને જ આ પરિણામ ભોગવવું પડશે.

જસદણ મર્ડર કેસ: આરોપી અશોક સાપરાને સાથે રાખી પોલીસે કર્યું રિકન્સ્ટ્રક્શન જસદણ મર્ડર કેસ: કાજલની હત્યા કરી લાશ સાડી વડે વૃક્ષ પર લટકાવનાર આરોપી અશોક સાપરાને સાથે રાખી પોલીસે કર્યું રિકન્સ્ટ્રક્શન

રાજકોટ જિલ્લાના ધોરાજીમાં વિકાસ 'ગાંડો' થયો હોવાનું જણાવાઈ રહ્યું છે, જ્યાં અનેક જગ્યાએ રસ્તાઓ પર ભૂગર્ભ ગટરના ઢાંકણા તૂટેલી હાલતમાં છે, જેનાથી અકસ્માતનો ભય સતાવી રહ્યો છે. એક તરફ નવા રસ્તાઓ બનાવવામાં આવ્યા છે, ત્યારે બીજી તરફ અમુક વિસ્તારોમાં ખોદકામ કરીને મોટા ખાડા કરી દેવામાં આવ્યા છે. આ ઉપરાંત, લોકભાગીદારીથી વિસ્તારમાં અને ચોકમાં લગાવવામાં આવેલા સીસીટીવી કેમેરા પણ ખરાબ સ્થિતિમાં જોવા મળે છે. નગરપાલિકાની ચૂંટણીના સમયે એક આગેવાને ધોરાજીને 'પેરિસ' બનાવવાની અને શહેરના રોડ રસ્તાઓને પેરિસ જેવા બનાવવાની વાત કરી હતી. જોકે, વર્તમાન સ્થિતિમાં વિકાસ ગાંડો થયો હોય તેવું પ્રતીત થાય છે. શહેરના આરસીસી રોડ હોય કે ડામર રોડ, તેની કામગીરી હાથ ધરવામાં આવી રહી છે, પરંતુ લોકોનો આક્ષેપ છે કે આ કામગીરીમાં યોગ્ય આયોજનનો અભાવ છે. પરિણામે, નળ કનેક્શનો તૂટી ગયા બાદ નવા બનેલા રસ્તાઓને ફરી ખોદવા પડે છે અને ત્યાં મસમોટા ખાડાઓ સર્જાય છે. વધુમાં, શહેરના મુખ્ય માર્ગો પરની ભૂગર્ભ ગટર વ્યવસ્થામાં પણ મનફાવે તેમ અને અણઆવડત વિના કામગીરી કરાઈ હોય તેમ ભૂગર્ભના ઢાંકણા તૂટેલી હાલતમાં છે, જેનાથી પસાર થતા લોકો અને વાહનચાલકોને અકસ્માતનો ભય રહે છે. લોકભાગીદારીથી મુકાયેલા સીસીટીવી કેમેરા પણ ઘણી જગ્યાએ ખરાબ હાલતમાં જોવા મળે છે અને થાંભલા પરના કેમેરાની દિશા પણ યોગ્ય નથી. ધોરાજીના આગેવાન ચિરાગ વોરાએ પણ નગરપાલિકાની ચૂંટણીના સમયની 'પેરિસ' બનાવવાની વાત યાદ અપાવતા કહ્યું કે, ધોરાજીમાં હાલ વિકાસ 'ગાંડો' થયો હોય તેવું લાગી રહ્યું છે. આ સ્થિતિમાં તંત્રના કોઈ અધિકારી, કર્મચારીઓ અને કામ કરતા કોન્ટ્રાક્ટર વચ્ચે સંકલનના અભાવને કારણે ધોરાજીની આમ જનતાને ભોગ બનવું પડે છે. આથી, એવી માંગ ઉઠી છે કે ભૂગર્ભ ગટરના તૂટેલા ઢાંકણા બદલીને નવા મુકવામાં આવે. શહેરના કોઈપણ વિસ્તારમાં આરસીસી રોડ કે ડામર રોડની કામગીરી કરતાં પહેલાં, તૂટેલા નળ કનેક્શનોનું સમારકામ કરવામાં આવે અને નગરપાલિકા તંત્ર દ્વારા કોઈ જાણકાર અધિકારીની દેખરેખ હેઠળ જ કામગીરી કરવામાં આવે, જેથી નવા રસ્તાઓ ફરીથી ખોદવા ન પડે. આ રીતે કામ કરવાથી લોકોના ટેક્સના પૈસાનું પાણી નહીં થાય અને લોકોને હેરાનગતિમાંથી મુક્તિ મળી, યોગ્ય સુવિધાઓ ઉપલબ્ધ થાય તેવી અપીલ કરવામાં આવી છે.

મોરબી શહેરમાં મહારાણા પ્રતાપની જન્મજયંતિ નિમિત્તે સીતારામ સેવા ગ્રુપ દ્વારા નવા બસ સ્ટેન્ડ સામે ઠંડાપીણા અને છાશ વિતરણનો સેવાકીય કાર્યક્રમ યોજાયો હતો. આ કાર્યક્રમમાં અંદાજે 5,000થી વધુ લોકોને ઠંડાપીણા અને છાશનું વિતરણ કરવામાં આવ્યું હતું. આ સેવાકીય કાર્યક્રમમાં સીતારામ સેવા ગ્રુપના સભ્યો ઉપરાંત મોરબી મહાનગર પાલિકાના કોર્પોરેટર, ભાજપના આગેવાનો અને સમાજના અગ્રણી વ્યક્તિઓ ઉપસ્થિત રહ્યા હતા. ઉપસ્થિત સૌએ મહારાણા પ્રતાપના શૌર્ય, રાષ્ટ્રભક્તિ અને આદર્શોને યાદ કરી તેમના જીવનમાંથી પ્રેરણા લેવા માટે આહ્વાન કર્યું હતું. ઉનાળાની આ કાળઝાળ ગરમી વચ્ચે રાહદારીઓ, મુસાફરો અને સ્થાનિક નાગરિકોને ઠંડાપીણા અને છાશ પીવડાવીને માનવસેવાનું ઉત્તમ ઉદાહરણ પૂરું પાડવામાં આવ્યું હતું, તેમ સીતારામ સેવા ગ્રુપ-મોરબીના યોગીરાજસિંહ જાડેજાએ જણાવ્યું હતું.

અમેરેલી જિલ્લાના કોવાયા ગામમાં મોડી રાત્રે હાથ ધરાયેલી એક કાર્યવાહીમાં ચારેય સિંહોને ગણતરીના કલાકોમાં કાબૂમાં લેવામાં આવ્યા હતા. આ સફળ કામગીરીના પગલે કોવાયા ગામના લોકોએ રાહતનો શ્વાસ લીધો છે.

બોટાદ માર્કેટિંગ યાર્ડમાં ચેરમેન પદની અઢી વર્ષની સમય મર્યાદા પૂરી થતાં બીજા અઢી વર્ષ માટે ચેરમેન અને વાઇસ ચેરમેનની ચૂંટણી યોજાઈ હતી. આ ચૂંટણી આજે બોટાદ માર્કેટિંગ યાર્ડ ખાતે જિલ્લા રજિસ્ટ્રારની હાજરીમાં યોજાઈ હતી, જેમાં પૂર્વ ચેરમેન ડી.એમ.પટેલની સર્વાનુમતે ચેરમેન તરીકે અને રણજીતભાઈ વાળાની વાઇસ ચેરમેન તરીકે બિનહરીફ વર્ણી થઈ છે. નવનિયુક્ત ચેરમેન ડી.એમ.પટેલે નિવેદન આપ્યું હતું કે આગામી દિવસોમાં ખેડૂતોના હિતમાં કામગીરી કરતા રહેશે. આ બંનેના નામની જાહેરાત થતાં હાજર તમામ ડિરેક્ટરો, ભારતીય જનતા પાર્ટીના આગેવાનો અને યાર્ડના કર્મચારીઓ દ્વારા તેમને શુભેચ્છાઓ પાઠવવામાં આવી હતી.

સુરેન્દ્રનગર જિલ્લાના ધ્રાંગધ્રા શહેરમાં કાયદો અને વ્યવસ્થા જાળવવાના ભાગરૂપે સિટી પોલીસે જાહેરમાં જુગાર રમતા ત્રણ શખ્સોને રંગેહાથ ઝડપી પાડ્યા છે. પોલીસે કુલ ₹22,300ની રોકડ રકમ અને જુગાર રમવા માટે ઉપયોગમાં લેવાતા સાધનો જપ્ત કર્યા છે. ધ્રાંગધ્રા સિટી પોલીસ સ્ટેશનના પીઆઈ કે.ડી. જાટના માર્ગદર્શન હેઠળ પોલીસની સર્વેલન્સ ટીમના સરફરાજભાઈ મલેક, મૂળરાજસિંહ, નરેન્દ્રસિંહ ઝાલા અને સંજયભાઈ મુંધવાએ બાતમીના આધારે આંબેડકરનગર વિસ્તારમાં દરોડો પાડ્યો હતો. પોલીસને માહિતી મળી હતી કે કેટલાક શખ્સો જાહેર સ્થળે પૈસાની હારજીતનો જુગાર રમી રહ્યા હતા. પોલીસે તાત્કાલિક કાર્યવાહી કરતા કેટલાક શખ્સો નાસી છૂટવામાં સફળ રહ્યા હતા, પરંતુ અરવિંદભાઈ ઉકાભાઈ સાગઠીયા, મોહિનભાઈ મનસુખભાઈ મકવાણા અને જેઠાભાઈ તીકુભાઈ પરમાર નામના ત્રણ આરોપીઓને કોર્ડન કરીને ઝડપી લેવામાં આવ્યા હતા. પોલીસે ઝડપાયેલા આરોપીઓની અંગઝડતી અને સ્થળની તપાસ દરમિયાન રોકડ રકમ તેમજ જુગારનું સાહિત્ય જપ્ત કર્યું હતું. આ સમગ્ર કાર્યવાહીમાં કુલ ₹22,300નો મુદ્દામાલ જપ્ત કરવામાં આવ્યો છે. તપાસ દરમિયાન અન્ય ત્રણ શખ્સો વિનોદભાઈ લાખાભાઈ પરમાર, મેહુલભાઈ મોહનભાઈ સિંધવ અને ગુગો દેવજીભાઈ ઉર્ફે બાદશાહ પરમારના નામ પણ સામે આવ્યા હતા, જેઓ પોલીસને જોઈને ફરાર થઈ ગયા હતા. હાલ ધ્રાંગધ્રા સિટી પોલીસે ઝડપાયેલા આરોપીઓ વિરુદ્ધ જુગારધારાની કલમ-12 હેઠળ ગુનો નોંધી કાયદેસરની કાર્યવાહી હાથ ધરી છે, અને ફરાર આરોપીઓને ઝડપી પાડવા માટે વધુ તપાસ શરૂ કરી છે.

રાજકોટની જાણીતી હોટલોમાં પીરસાતા ભોજનની ગુણવત્તા પર એક ગંભીર સવાલ ઉઠાવવામાં આવ્યો છે. સીધું જ પૂછવામાં આવ્યું છે કે શું આ હોટલો 'શાહી જમવાનું' વેચી રહી છે કે વાસ્તવમાં 'ઝેર' પીરસી રહી છે. આ સંદર્ભમાં, ખાસ કરીને રાજકોટના બાલાજી થાળમાં જનારા ગ્રાહકોને ખૂબ જ સાવચેત રહેવા માટે ચેતવણી આપવામાં આવી છે.