பொதுமக்களின் குறைகளை கேட்டறிந்த எம்எல்ஏவின் உதவியாளர். திருச்சி மாவட்டம் லால்குடி சட்டமன்ற தொகுதியில் எம்எல்ஏ வின் உதவியாளர் பொதுமக்களை நேரில் சந்தித்து குறைகளை கேட்டறிந்தார். தமிழ் மாநில விவசாய தொழிலாளர் சங்கத்தின் சார்பாக அனைத்து கிராமங்களில் இருக்கும் அடிப்படை தேவைகள் குறித்து எம்எல்ஏ உதவியாளர் பயாசிடம் தகவல் தெரிவித்தனர்.இதனைத் தொடர்ந்து கிராமங்களுக்கு சென்ற எம்எல்ஏவின் உதவியாளர் பொதுமக்களை நேரில் சந்தித்து குறைகளை கேட்டறிந்தார்.அப்போது உங்கள் அடிப்படைத் தேவைகளை பூர்த்தி செய்ய சம்பந்தப்பட்ட துறை அதிகாரியிடம் கூறி விரைவில் நடவடிக்கை எடுக்கப்படும் என பொதுமக்களிடம் தெரிவித்துள்ளார்.

குணசீலம் பிரசன்ன வெங்கடாசலபதி திருக்கோவிலில் 100 கற்கும் மேற்பட்டோர் அங்க பிரதோஷ னம் திருச்சி மாவட்டம் முசிறி அருகே குணசேகரத்தில் இன்று பிரசன்ன வெங்கடாஜலபதி திருக்கோவில் தேரோட்டம் நடைபெற்றது தேரோட்டத்தில் ஆயிரக்கணக்கான பக்தர்கள் வடமழுத்து தேரை இழுத்து வந்தனர் பிறகு நூற்றுக்கு மேற்பட்ட பக்தர்கள் கோவிலை சுற்றி அங்க பிரதோஷ னம் செய்து நேர்த்திக்கடன் செலுத்தினர் கோயில் வளாகம் முழுவதும் பல்லாயிரம் கணக்கான பக்தர்கள் குவிந்துள்ளனர்

கூட்டுறவு வங்கி ஊழியர்கள் ரேஷன் கடை ஊழியர்கள் கண்டன ஆர்ப்பாட்டம் அரியலூரில் கூட்டுறவு வங்கி ஊழியர்கள் ரேஷன் கடை ஊழியர்கள் கண்டன ஆர்ப்பாட்டம் அரியலூர் அண்ணா சிலை அருகே, தொடக்க வேளாண்மை கூட்டுறவு கடன் சங்க ஊழியர்களை அவதூறாகவும், தரக்குறைவாகவும் பேசியதாக கூறப்படும் விவசாய சங்க நிர்வாகி ஈசன் முருகசாமி மீது சட்ட நடவடிக்கை எடுக்க வலியுறுத்தி கண்டன ஆர்ப்பாட்டம் நடைபெற்றது. மாநில தொடக்க கூட்டுறவு வங்கி அனைத்து பணியாளர் சங்கம் சார்பில் நடைபெற்ற இந்த ஆர்ப்பாட்டத்தில், கூட்டுறவு சங்க ஊழியர்களுக்கும் விவசாயிகளுக்கும் நீண்டகாலமாக நல்லுறவு நிலவி வருவதாகவும், விவசாயிகளுக்கு கடன் உள்ளிட்ட பல்வேறு சேவைகளை ஊழியர்கள் வழங்கி வருவதாகவும் தெரிவிக்கப்பட்டது. கூட்டுறவு ஊழியர்களுக்கு எதிராக வன்முறையைத் தூண்டும் வகையில் பேசியதாக கூறப்படும் ஈசன் முருகசாமியின் பேச்சை காவல்துறை முழுமையாக ஆய்வு செய்து, குற்றத்திற்குரிய நடவடிக்கை எடுக்க வேண்டும் என ஆர்ப்பாட்டத்தில் வலியுறுத்தப்பட்டது. இதனை வலியுறுத்தி கண்டன முழக்கங்கள் எழுப்பப்பட்ட நிலையில்,64 கூட்டுறவு வங்கி ஊழியர்கள் 263 ரேஷன் கடை ஊழியர்கள் என சுமார் 500க்கும் மேற்பட்டோர் ஆர்ப்பாட்டத்தில் கலந்து கொண்டு கண்டன கோசங்களை எழுப்பினர்

முசிறி நீதிமன்றங்கள் சார்பில் சமரச விழிப்புணர்வு பேரணி முசிறி நீதிமன்றங்கள் சார்பில் சமரச விழிப்புணர்வு பேரணி திருச்சி மாவட்டம் முசிறி நீதிமன்றங்கள் சார்பில் நீண்டகாலமாக உள்ள நாள்பட்ட வழக்குகள் நடைமுறையில் உள்ள வழக்குகள் உள்ளிட்டவைகளை இரு தரப்பினர் தரப்பினர்களை வரவழைத்து, சமரசமான முறையில் நடுவர் முன்னிலையில் அமர்ந்து பேச்சுவார்த்தை நடத்தி, சுமுகமான முறையில் தீர்வு காணுவது பற்றி பொதுமக்களிடையே விழிப்புணர்வு ஏற்படுத்தும் வகையில் பேரணி நடத்தினர். இந்த பேரணிக்கு முசிறி சார்பு நீதிமன்ற நீதிபதி முருகானந்தம் தலைமை வகித்தார், முசிறி குற்றவியல் நீதித்துறை நடுவர் மன்ற நீதிபதி சுரேஷ்குமார், தொட்டியம் மாவட்ட உரிமையியல் மற்றும் குற்றவியல் நீதித்துறை நடுவர் கே.அஜிஸ் ஆகியோர் முன்னிலை வகித்தனர், இந்த பேரணியில் சமரச தீர்வாளர்கள் வழக்குரைஞர்கள் கதிரேசன், தங்கத்துரை, ராஜன், வழக்குரைஞர்கள் சங்க செயலாளர் தமிழ்ச்செல்வன் (முசிறி), கார்த்திக் (தொட்டியம்) மற்றும் அறிஞர் அண்ணா அரசு கலைக் கல்லூரி நாட்டு நலப் பணித்திட்ட மாணவிகள் மற்றும் பங்கேற்றிருந்தனர், இந்த பேரணியானது முசிறி கைகாட்டில் தொடங்கி திருச்சி சேலம் சாலையில் முசிறி டிஎஸ்பி அலுவலகம் வழியாக வட்டாட்சியர் அலுவலகம் அருகிலுள்ள சார்பு நீதிமன்றம் வரை பொதுமக்கள் இடையே விழிப்புணர்வு ஏற்படுத்தி சென்றனர். முன்னதாக வழக்குரைஞர்கள் சங்க தலைவர் மருந்தையா வரவேற்றார், நிறைவாக வழக்குரைஞர் பொன்குமார் நன்றி தெரிவித்தார்.

வடகிழக்கு பருவமழை முன்னெச்சரிக்கை ஏற்பாடு குறித்து அமைச்சர் தலைமையில் ஆலோசனை வடகிழக்கு பருவமழை துவங்க உள்ள நிலையில் அதன் முன்னேற்பாடு குறித்து புதுக்கோட்டை மாவட்ட ஆட்சியர் அலுவலக கூட்ட அரங்கில் மாவட்ட ஆட்சியர் அருணா தலைமையில் தொழிலாளர் நலத்துறை அமைச்சர் முகமது பர்வேஸ் முன்னிலையில் அனைத்து துறை சார்ந்த அலுவலர்களுடன் ஆலோசனைக் கூட்டம் நடைபெற்றது அனைத்து துறை நிர்வாகத்திலும் முன்னேற்பாடுகள் குறித்து அமைச்சர் கேட்டறிந்தார்

மணப்பாறை தியாகேசர் ஆலை மேல்நிலைப்பள்ளியில் காலை உணவு திட்டம் துவக்கம் தமிழகத்தில் இன்று முதல் பெருந்தலைவர் காமராஜர் காலை உணவுத் திட்டம் தமிழக முதல்வர் விஜய் ஆணைக்கிணங்க விரிவாக்கம் செய்யப்பட்டுள்ளது. இதில் 8-ம் வகுப்பு வரை பயிலும் குழந்தைகள் உற்சாகத்துடன் பள்ளிக்கு சென்று கல்வி கற்க ஏதுவாக சுவையான காலை உணவு வழங்கப்பட்டன. இந்நிலையில் திருச்சி மாவட்டம் மணப்பாறையில் செயல்பட்டு வரும் தியாகேசர் ஆலை மேல்நிலைப்பள்ளியில் இன்று காலை தலைமை ஆசிரியர் என்.கே. லதா அவர்கள் இப்பள்ளியில் 6 முதல் 8ம் வகுப்பு வரை பயிலும் மாணவ மாணவிகளுக்கு காலை உணவை வழங்கி துவங்கி வைத்தார்.

அரவக்குறிச்சி அருகே SBI வங்கியில் கொள்ளை முயற்சி! - ஜன்னலை உடைத்து புகுந்த மர்ம நபர்கள் தப்பியோட்டம்* கரூர் மாவட்டம், அரவக்குறிச்சி அடுத்த கோவிலூரில் உள்ள பாரத ஸ்டேட் வங்கி கிளையில் இன்று அதிகாலை கொள்ளை முயற்சி சம்பவம் அரங்கேறியுள்ளது. ஜன்னல் கம்பிகளை உடைத்துக் கொண்டு உள்ளே புகுந்த மர்ம நபர்கள், வங்கிக்குள் கொள்ளையடிக்க முயன்றுள்ளனர். அப்போது வங்கியில் பொருத்தப்பட்டிருந்த அலாரம் சத்தம் அலறியதால், அதிர்ச்சியடைந்த கொள்ளையர்கள் எதையும் எடுக்காமல் அங்கிருந்து தப்பி ஓடியுள்ளனர். இந்த சம்பவம் குறித்து தகவல் அறிந்த அரவக்குறிச்சி போலீசார் சம்பவ இடத்திற்கு விரைந்து வந்து விசாரணை நடத்தி வருகின்றனர். மேலும் வங்கியில் உள்ள சிசிடிவி காட்சிகளை கைப்பற்றி ஆய்வு செய்து, தப்பியோடிய கொள்ளையர்களை தேடி வருகின்றனர். அதிகாலையில் நடந்த இந்த கொள்ளை முயற்சியால் அப்பகுதியில் பரபரப்பு ஏற்பட்டுள்ளது. > கரூர் அரவக்குறிச்சி அருகே பாரத ஸ்டேட் வங்கியில் கொள்ளை முயற்சி! ஜன்னலை உடைத்து உள்ளே புகுந்த மர்ம நபர்கள், அலாரம் அடித்ததும் தப்பியோட்டம். போலீசார் சிசிடிவி ஆய்வு! செய்து வருகின்றனர்

முசிறி அருகே குணசேகர் பிரசன்ன வெங்கடாஜலபதி திருக்கோவில் தேரோட்டம் பல்லாயிரக்கணக்கான பக்தர்கள் சுவாமி தரிசனம் கே குமார் செய்தியாளர் முசிறி முசிறி அருகே தென்திருப்பதி என்றழைக்கப்படும் குணசீலம் பிரசன்ன வேங்கடாசலபதி திருக்கோவில் திருத்தேரோட்டம் - பல்லாயிரக்கணக்காண பக்தர்கள் பங்கேற்பு..நூற்றுக்கணக்கான பக்தர்கள் தேரின்பின்னே அங்கப்பிரதட்சனம் செய்து நேர்த்திக்கடன் செலுத்தி நூதன வழிபாடு.... தென்திருப்பதி என்றழைக்கப்படுவதும், குணசீலமஹரிஷியின் தவத்தினையடுத்து பிரசன்னவேங்கடேசனாக காட்சியளித்த ஸ்தலமான திருச்சியை அடுத்த குணசீலம் பிரஸன்ன வேங்கடாசலபதிபெருமாள் திருக்கோவில் மிகவும் பிரசித்திபெற்றதாகும். பிரசித்திபெற்ற மஹரிசிக்கு காட்சியளித்த தினமான புரட்டாசி மாதம் திருவோணம் நட்சத்திரத்தை கொண்டு இத்திருக்கோவிலில் பிரம்மோற்சவம் 11- தினங்கள் கொண்டாடப்படும் .அதன்படி 14-ம்தேதி பிரம்மோற்சவமானது கொடியேற்றத்துடன் தொடங்கியது. அதனைத் தொடர்ந்து அனுமந்தவாகனம், சேஷவாகனம், யானைவாகனம், அன்னவாகனம், குதிரைவாகனம், வெள்ளிக்கருடவாகனத்தில் உபயநாச்சியார்களுடன் பெருமாள் எழுந்தருளி திருவீதி உலாவந்தார்.விழாவின் முக்கிய நிகழ்வான திருத்தேர் வடம்பிடிக்கும் நிகழ்ச்சி இன்று வெகுவிமரிசையாக நடைபெற்றது. அலங்கரிக்கப்பட்ட பிரம்மாண்டமான திருத்தேரில் பூதேவி, ஸ்ரீதேவி தாயாருடன் ஸ்ரீனிவாசபெருமாள் எழுந்தருளி பக்தர்களுக்கு அருள்பாலிக்க, ஆயிரக்கணக்கான பக்தர்கள் கோவிந்தா, கோவிந்தா என பக்திகோஷமிட்டவாறு தேரை வடம்பிடித்து இழுத்துச் சென்றனர். வேறு எந்தக்கோவிலிலும் இல்லாதவாறு திருத்தேரின் பின்புறமாக பலநூற்றுக்கணக்கான பக்தர்கள் தங்களது வேண்டுதல்கள் நிறைவேறவும், தாங்கள் செய்தபாவங்கள் விலகவும், கைகளில் தேங்காயினை வைத்துக்கொண்டு அங்கப்பிரதட்சனம் செய்து நேர்த்திக்கடனை செலுத்தினர். மேலும் ஸ்ரீனிவாச பெருமாளை வழிபாடு செய்து பிறவிப்பலன் பெறுவர் ஐதீகம் என்பதால் திருச்சி மட்டுமன்றி பல்வேறு மாவட்டங்களிலிருந்தும் பல்லாயிரக்கணக்கான பக்தர்கள் வழிபாடு செய்தனர்.

காலை உணவு திட்டத்தை தொடங்க வைத்து மாணவனுடன் உணவு அருந்திய சட்டமன்ற உறுப்பினர் அரியலூர் காலை உணவு திட்டத்தை தொடங்கி வைத்து மானவர்களுடன் சேர்ந்து உணவு அருந்திய ஜெயங்கொண்டம் பாமக எம் எல் ஏ* *6 முதல் 8-ம் வகுப்பு மாணவர்களுக்கும் விரிவுபடுத்தப்பட்ட பெருந்தலைவர் காமராசர் காலை உணவுத் திட்டம் ஜெயங்கொண்டம் அரசு மாதிரி மேல்நிலைப் பள்ளியில் தொடக்கம்; மாணவர்களுடன் அமர்ந்து உணவு அருந்திய ஜெயங்கொண்டம் பாமக எம் எல் ஏ க.வைத்திலிங்கம்* தமிழகத்தில் கடந்த 2022-ம் ஆண்டு செப்டம்பர் மாதம் 1 முதல் 5-ம் வகுப்பு வரை பயிலும் மாணவர்களுக்காக தொடங்கப்பட்ட காலை உணவுத் திட்டம், தொடர்ந்து அரசு உதவி பெறும் பள்ளிகளுக்கும் விரிவுபடுத்தப்பட்டது. தற்போது இத்திட்டம் தமிழக முதல்வர் ச.ஜோசப் விஜயால் பெருந்தலைவர் காமாசர் காலை உணவுத் திட்டம் என பெயர் மாற்றம் செய்யப்பட்டு, 6 முதல் 8-ம் வகுப்பு வரை பயிலும் மாணவர்களுக்கும் விரிவுபடுத்தப்பட்டுள்ளது. இதனையடுத்து அரியலூர் மாவட்டத்தில் ஜெயங்கொண்டம், ஆண்டிமடம், மீன்சுருட்டி பகுதியில் இன்று முதல் 6 முதல் 8-ம் வகுப்பு மாணவர்களுக்கும் காலை உணவுத் திட்டம் செயல்படுத்தப்பட்டது. இதன் தொடக்கமாக ஜெயங்கொண்டம் அரசு மாதிரி மேல்நிலைப் பள்ளியில் நடைபெற்ற நிகழ்ச்சியில் ஜெயங்கொண்டம் பாமக எம்எல்ஏ க.வைத்திலிங்கம் கலந்து கொண்டு திட்டத்தை தொடங்கி வைத்து, மாணவர்களுடன் அமர்ந்து காலை உணவு அருந்தினார். இன்று முதல் மாவட்டம் முழுவதும் திட்டம் செயல்படுத்தப்பட்டுள்ளது குறிப்பிடத்தக்கது .இதேபோல் அரியலூர் அஸ்தினாபுரம் அரசு மாதிரி மேல்நிலைப் பள்ளியில் மாவட்ட ஆட்சியர் காலை உணவு திட்டத்தை தொடங்கி வைத்து மாணவர்களுடன் அமர்ந்து உணவருந்தினார். மதுரை போன்று மீன்சுருட்டி, தாபமூர், ஆண்டிமடம் அரசு மேல்நிலைப் பள்ளிகள் 2 லிட்டர் மாவட்டம் முழுவதும் நடைபெற்றது.

துவரங்குறிச்சி பூதநாயகி அம்மன் கோவிலில் பூச்சொரிதல் திருவிழா திருச்சி மாவட்டம் மணப்பாறை அடுத்த மருங்காபுரி அருகே துவரங்குறிச்சியில் பிரசித்தி பெற்ற பூத நாயகி அம்மன் கோவில் உள்ளது. இக்கோவிலில் நேற்று பூ திருவிழா தொடங்கியது. அரசு அதிகாரிகள் முதல் பூவை செலுத்தினர். இதைத்தொடர்ந்து துவரங்குறிச்சி மற்றும் சுற்றுவட்டார கிராம பகுதிகளில் இருந்து ஏராளமான கிராம மக்கள் தாரை தப்பட்டைகள் வாண வேடிக்கைகள் முழங்க பூத்தட்டு ஏந்தி வந்து அம்மனுக்கு செலுத்தினர். பல பகுதிகளில் இருந்து ரத ஊர்வலம் இளைஞர்களின் ஆட்டம் பாட்டத்துடன் துவரங்குறிச்சியின் முக்கிய வீதிகள் வழி யாக கோவிலை வந்தடைத்தன. அதனைத் தொடர்ந்து இன்று (செவ்வாய்க்கிழமை) இரவு காப்பு கட்டுதல் நிகழ்வு நடைபெறும். அதனைத் தொடர்ந்து வருகிற 29-ந்தேதி முதல் மண்டகபடி நடைபெறும். அம்மன் அலங்கரிக்கப்பட்ட ரதத்தில் துவரங்குறிச்சியின் முக்கிய விதிகள் வழியாக ஊர்வலமாக எடுத்து சென்று மீண்டும் கோவிலை வந்தடைவார். அக்டோபர் 6-ந் தேதி துவரங்குறிச்சியில் பொன்னூஞ்சல் வெகு விமரிசையாக நடைபெற உள்ளது. இதில் திருவிழா 7-ந் தேதி காலை பொங்கல் விழா மற்றும் கிடா வெட்டுதல் நிகழ்வு நடைபெறும் தொடர்ந்து விடையாற்றி மண்டகபடியுடன் நிறைவு பெறுகிறது.