சின்னமனூரில் 50க்கும் மேற்பட்ட வீடுகளுக்கு வழக்கத்திற்கு மாறாக EB Bill உயர்வு, பொதுமக்கள் அதிர்ச்சி தேனி மாவட்டம் சின்னமனூர் அருகே 50-க்கும் மேற்பட்ட வீடுகளுக்கு வழக்கத்தை விடப் பல மடங்கு உயர்வாக மின் கட்டணம் வந்ததால் பொதுமக்கள் அதிர்ச்சி அடைந்துள்ளனர். உடனடியாக மின்சாரக் கட்டணத்தைச் செலுத்த மின்சார வாரியத்தினர் வலியுறுத்தி வருவதாகக் குற்றம் சாட்டிய பொதுமக்கள், அரசு துரித நடவடிக்கை எடுக்க வேண்டும் எனக் கோரிக்கை விடுத்துள்ளனர். தேனி மாவட்டம் சின்னமனூர் அருகே உள்ள மார்க்கையன்கோட்டை மின்சார வாரியத்தின் கட்டுப்பாட்டில் இயங்கும் குச்சனூர் பேரூராட்சிக்கு உட்பட்ட அண்ணாமலை நகர் உள்ளிட்ட பல்வேறு பகுதிகளில் வசிக்கும் மக்களுக்கு, கடந்த மாதங்களை விட இந்த மாதம் மின் கட்டணம் பல மடங்கு உயர்ந்து, அதிகபட்சமாக 1 லட்சத்து 20 ஆயிரம் ரூபாய் வரை வந்துள்ளது. இதனால் அப்பகுதி மக்கள் கடும் அதிர்ச்சி அடைந்துள்ளனர். இது குறித்து அப்பகுதி பொதுமக்கள் மின்சார வாரியப் பொறியாளரிடம் புகார் தெரிவித்தும் எந்தவித நடவடிக்கையும் எடுக்கப்படவில்லை எனக் கூறப்படுகிறது. மேலும், மின் அளவீட்டாளர் செய்த தவறு காரணமாகவே இவ்வளவு தொகை வந்துள்ளது என்றும், இந்த ஒரு முறை வீடுகளுக்கு வந்த மின் கட்டணத் தொகையை முழுமையாகச் செலுத்த வேண்டும் என்றும், தவறு செய்த கணக்கீட்டுப் பிரிவு ஊழியர் மீது நடவடிக்கை எடுக்கப்படும் என்றும் அதிகாரிகள் தெரிவித்துள்ளனர். மேலும், கட்டணத்தைச் செலுத்தாவிட்டால் அபராதம் விதிக்கப்படும் என்றும், கட்டாயம் கட்டணத்தைச் செலுத்தத் தவறினால் மின் இணைப்பு துண்டிக்கப்படும் என்றும் அதிகாரிகள் வற்புறுத்தியுள்ளனர். ஏழை எளிய மக்கள் வசிக்கும் வீடுகளுக்குக் கூட ₹20,000-க்கும் அதிகமாக மின் கட்டணம் வந்திருப்பது, அவர்களிடம் மிகுந்த மன உளைச்சலையும் பொருளாதார நெருக்கடியையும் ஏற்படுத்தியுள்ளது. இது குறித்து அப்பகுதி மக்கள் கூறுகையில், "தவறு செய்த மின்சார வாரிய ஊழியர்கள் மீது தகுந்த நடவடிக்கை எடுத்து, மீண்டும் மின் கட்டணத்தை அளவீடு செய்து உரிய கட்டணத்தைச் செலுத்த நடவடிக்கை எடுக்க வேண்டும். கூடுதல் மின் கட்டணத்தைச் செலுத்தப் பொருளாதார வசதி இல்லாததால் மின் இணைப்பைத் துண்டிக்கக் கூடாது" எனக் கோரிக்கை விடுத்துள்ளனர். பேட்டி: மாடசாமி பொதுமக்கள் குச்சனூர்

1 hr ago

SARAVANAN K

Local News Reporter தேனி, தேனி, தமிழ்நாடு•

1 hr ago

சின்னமனூரில் 50க்கும் மேற்பட்ட வீடுகளுக்கு வழக்கத்திற்கு மாறாக EB Bill உயர்வு, பொதுமக்கள் அதிர்ச்சி தேனி மாவட்டம் சின்னமனூர் அருகே 50-க்கும் மேற்பட்ட வீடுகளுக்கு வழக்கத்தை விடப் பல மடங்கு உயர்வாக மின் கட்டணம் வந்ததால் பொதுமக்கள் அதிர்ச்சி அடைந்துள்ளனர். உடனடியாக மின்சாரக் கட்டணத்தைச் செலுத்த மின்சார வாரியத்தினர் வலியுறுத்தி வருவதாகக் குற்றம் சாட்டிய பொதுமக்கள், அரசு துரித நடவடிக்கை எடுக்க வேண்டும் எனக் கோரிக்கை விடுத்துள்ளனர். தேனி மாவட்டம் சின்னமனூர் அருகே உள்ள மார்க்கையன்கோட்டை மின்சார வாரியத்தின் கட்டுப்பாட்டில் இயங்கும் குச்சனூர் பேரூராட்சிக்கு உட்பட்ட அண்ணாமலை நகர் உள்ளிட்ட பல்வேறு பகுதிகளில் வசிக்கும் மக்களுக்கு, கடந்த மாதங்களை விட இந்த மாதம் மின் கட்டணம் பல மடங்கு உயர்ந்து, அதிகபட்சமாக 1 லட்சத்து 20 ஆயிரம் ரூபாய் வரை வந்துள்ளது. இதனால் அப்பகுதி மக்கள் கடும் அதிர்ச்சி அடைந்துள்ளனர். இது குறித்து அப்பகுதி பொதுமக்கள் மின்சார வாரியப் பொறியாளரிடம் புகார் தெரிவித்தும் எந்தவித நடவடிக்கையும் எடுக்கப்படவில்லை எனக் கூறப்படுகிறது. மேலும், மின் அளவீட்டாளர் செய்த தவறு காரணமாகவே இவ்வளவு தொகை வந்துள்ளது என்றும், இந்த ஒரு முறை வீடுகளுக்கு வந்த மின் கட்டணத் தொகையை முழுமையாகச் செலுத்த வேண்டும் என்றும், தவறு செய்த கணக்கீட்டுப் பிரிவு ஊழியர் மீது நடவடிக்கை எடுக்கப்படும் என்றும் அதிகாரிகள் தெரிவித்துள்ளனர். மேலும், கட்டணத்தைச் செலுத்தாவிட்டால் அபராதம் விதிக்கப்படும் என்றும், கட்டாயம் கட்டணத்தைச் செலுத்தத் தவறினால் மின் இணைப்பு துண்டிக்கப்படும் என்றும் அதிகாரிகள் வற்புறுத்தியுள்ளனர். ஏழை எளிய மக்கள் வசிக்கும் வீடுகளுக்குக் கூட ₹20,000-க்கும் அதிகமாக மின் கட்டணம் வந்திருப்பது, அவர்களிடம் மிகுந்த மன உளைச்சலையும் பொருளாதார நெருக்கடியையும் ஏற்படுத்தியுள்ளது. இது குறித்து அப்பகுதி மக்கள் கூறுகையில், "தவறு செய்த மின்சார வாரிய ஊழியர்கள் மீது தகுந்த நடவடிக்கை எடுத்து, மீண்டும் மின் கட்டணத்தை அளவீடு செய்து உரிய கட்டணத்தைச் செலுத்த நடவடிக்கை எடுக்க வேண்டும். கூடுதல் மின் கட்டணத்தைச் செலுத்தப் பொருளாதார வசதி இல்லாததால் மின் இணைப்பைத் துண்டிக்கக் கூடாது" எனக் கோரிக்கை விடுத்துள்ளனர். பேட்டி: மாடசாமி பொதுமக்கள் குச்சனூர்

More news from தமிழ்நாடு and nearby areas