दिल्लीमध्ये आंदोलनादरम्यान महिला आणि विद्यार्थ्यांवर झालेल्या कथित लाठीमाराच्या निषेधार्थ चिपळूण शहरात भव्य निषेध मोर्चा काढण्यात आला. हा मोर्चा गोवळकोट रोड येथून सुरू होऊन छत्रपती शिवाजी महाराज चौकापर्यंत काढण्यात आला. या मोर्चात महिला, युवक, विद्यार्थी, विविध संघटनांचे पदाधिकारी, कार्यकर्ते आणि नागरिक मोठ्या संख्येने सहभागी झाले होते. मोर्चादरम्यान महिला व विद्यार्थ्यांवरील कथित अत्याचाराचा तीव्र निषेध करण्यात आला. लोकशाही मार्गाने आंदोलन करणाऱ्यांवर बळाचा वापर थांबवावा, दोषींवर कठोर कारवाई करावी आणि महिलांच्या सुरक्षिततेची हमी द्यावी, अशी मागणी करण्यात आली. छत्रपती शिवाजी महाराज चौकात झालेल्या सभेत वक्त्यांनी अशा घटनांची निष्पक्ष चौकशी करून संबंधितांवर कठोर कारवाई करण्याची आणि महिला व विद्यार्थ्यांच्या सुरक्षिततेसाठी ठोस उपाययोजना करण्याची जोरदार मागणी केली. या निषेध मोर्चाचे आयोजन चिपळूण काँग्रेस गटनेते साजिद सरगुरोह यांच्या पुढाकाराने करण्यात आले असून, यात काँग्रेसचे पदाधिकारी आणि कार्यकर्ते मोठ्या संख्येने सामील झाले होते. सभेच्या शेवटी राष्ट्रगीताने या मोर्चाची सांगता करण्यात आली.

चिपळुण न्यूज सं.स्वाती हडकर

चिपळूण, रत्नागिरी, महाराष्ट्र•

2 hrs ago

दिल्लीमध्ये आंदोलनादरम्यान महिला आणि विद्यार्थ्यांवर झालेल्या कथित लाठीमाराच्या निषेधार्थ चिपळूण शहरात भव्य निषेध मोर्चा काढण्यात आला. हा मोर्चा गोवळकोट रोड येथून सुरू होऊन छत्रपती शिवाजी महाराज चौकापर्यंत काढण्यात आला. या मोर्चात महिला, युवक, विद्यार्थी, विविध संघटनांचे पदाधिकारी, कार्यकर्ते आणि नागरिक मोठ्या संख्येने सहभागी झाले होते. मोर्चादरम्यान महिला व विद्यार्थ्यांवरील कथित अत्याचाराचा तीव्र निषेध करण्यात आला. लोकशाही मार्गाने आंदोलन करणाऱ्यांवर बळाचा वापर थांबवावा, दोषींवर कठोर कारवाई करावी आणि महिलांच्या सुरक्षिततेची हमी द्यावी, अशी मागणी करण्यात आली. छत्रपती शिवाजी महाराज चौकात झालेल्या सभेत वक्त्यांनी अशा घटनांची निष्पक्ष चौकशी करून संबंधितांवर कठोर कारवाई करण्याची आणि महिला व विद्यार्थ्यांच्या सुरक्षिततेसाठी ठोस उपाययोजना करण्याची जोरदार मागणी केली. या निषेध मोर्चाचे आयोजन चिपळूण काँग्रेस गटनेते साजिद सरगुरोह यांच्या पुढाकाराने करण्यात आले असून, यात काँग्रेसचे पदाधिकारी आणि कार्यकर्ते मोठ्या संख्येने सामील झाले होते. सभेच्या शेवटी राष्ट्रगीताने या मोर्चाची सांगता करण्यात आली.