தேனி மாவட்டம் போடி அருகே திறந்தவெளி கிணற்றில் விழுந்து கர்ப்பிணி பசுமாடு உயிரிழப்பு கிணற்றை மூட பொதுமக்கள் கோரிக்கை ​தேனி மாவட்டம் போடி அருகே உள்ள அணைக்கரைப்பட்டி ஊராட்சிக்கு உட்பட்ட சன்னாசிபுரம் செட் பகுதியில் நூற்றுக்கும் மேற்பட்ட குடும்பங்கள் வசித்து வருகின்றன. தென்னந்தோப்புகளும் விவசாய நிலங்களும் நிறைந்த இப்பகுதியில் வசிக்கும் கண்ணன் என்பவர், பசு மாடுகளை வளர்த்து பால் வியாபாரம் செய்து வருகிறார். ​இன்று மாலை மேய்ச்சலுக்குச் சென்ற தனது பசு மாட்டை வீட்டிற்கு அழைத்து வர கண்ணன் முயன்றுள்ளார். அப்போது, அந்தப் பகுதியில் உள்ள சேதுராமன் என்பவருக்குச் சொந்தமான தோட்டத்தில், சாலையோரமாக அமைக்கப்பட்டிருந்த கிணற்றுக்குள் பசுமாடு எதிர்பாராதவிதமாகத் தவறி விழுந்தது. ​சுமார் 30 அடி ஆழமும் 6 அடி அகலமும் கொண்ட இந்த போர்வெல் கிணறு பாதியிலேயே கைவிடப்பட்ட ஒன்றாகும். இதன் வாய் பகுதி பலவீனமான தகரத்தைக் கொண்டு மூடப்பட்டிருந்ததால், அதை கவனிக்காமல் கால் வைத்த பசுமாடு தகரம் உடைந்து கிணற்றுக்குள் விழுந்து உயிருக்குக் போராடியுள்ளது. ​உடனடியாக மாட்டின் உரிமையாளர் கண்ணன் தீயணைப்புத் துறையினருக்குத் தகவல் அளித்தார். சம்பவ இடத்திற்கு விரைந்து வந்த தீயணைப்புத் துறையினர், எக்ஸ்கவேட்டர் (JCB) இயந்திரத்தின் உதவியுடன் கிணற்றுக்குள் இருந்த பசு மாட்டை மீட்க முயன்றனர். ஆனால், மீட்புப் பணிக்கு முன்பே பசுமாடு பரிதாபமாக உயிரிழந்தது தெரியவந்தது. ​மிக்க சிரமத்திற்கு இடையே கிணற்றிலிருந்து வெளியே கொண்டுவரப்பட்ட பசுமாட்டின் வயிற்றில் இருந்த கன்றும் உயிரிழந்த நிலையில் மீட்கப்பட்டது. இன்னும் ஓரிரு நாட்களில் கன்று ஈனவிருந்த பசுவும் அதன் கன்றும் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. ​ஏற்கனவே இந்த கிணற்றில் தகரம் மட்டுமே மூடப்பட்டிருந்ததால், பலமுறை கால்நடைகள் விழுந்து மீட்கப்பட்டதாகக் கூறும் அப்பகுதி மக்கள் மற்றும் சமூக ஆர்வலர்கள், அசம்பாவிதங்கள் தொடராமல் இருக்கச் சாலையோரத்தில் உள்ள இந்த ஆபத்தான கிணற்றை உடனடியாக நிரந்தரமாக உயரமான தடுப்பு சுவர் உயரமாக அமைத்து இது போன்ற அசம்பாவிதம் மீண்டும் ஏற்படாதவாறு வேண்டும் என ஊராட்சி நிர்வாகத்திற்குச் தீவிரக் கோரிக்கை விடுத்துள்ளனர்.

Shakthi

பத்திரிகையாளர் பெரியகுளம், தேனி, தமிழ்நாடு•

1 hr ago

தேனி மாவட்டம் போடி அருகே திறந்தவெளி கிணற்றில் விழுந்து கர்ப்பிணி பசுமாடு உயிரிழப்பு கிணற்றை மூட பொதுமக்கள் கோரிக்கை ​தேனி மாவட்டம் போடி அருகே உள்ள அணைக்கரைப்பட்டி ஊராட்சிக்கு உட்பட்ட சன்னாசிபுரம் செட் பகுதியில் நூற்றுக்கும் மேற்பட்ட குடும்பங்கள் வசித்து வருகின்றன. தென்னந்தோப்புகளும் விவசாய நிலங்களும் நிறைந்த இப்பகுதியில் வசிக்கும் கண்ணன் என்பவர், பசு மாடுகளை வளர்த்து பால் வியாபாரம் செய்து வருகிறார். ​இன்று மாலை மேய்ச்சலுக்குச் சென்ற தனது பசு மாட்டை வீட்டிற்கு அழைத்து வர கண்ணன் முயன்றுள்ளார். அப்போது, அந்தப் பகுதியில் உள்ள சேதுராமன் என்பவருக்குச் சொந்தமான தோட்டத்தில், சாலையோரமாக அமைக்கப்பட்டிருந்த கிணற்றுக்குள் பசுமாடு எதிர்பாராதவிதமாகத் தவறி விழுந்தது. ​சுமார் 30 அடி ஆழமும் 6 அடி அகலமும் கொண்ட இந்த போர்வெல் கிணறு பாதியிலேயே கைவிடப்பட்ட ஒன்றாகும். இதன் வாய் பகுதி பலவீனமான தகரத்தைக் கொண்டு மூடப்பட்டிருந்ததால், அதை கவனிக்காமல் கால் வைத்த பசுமாடு தகரம் உடைந்து கிணற்றுக்குள் விழுந்து உயிருக்குக் போராடியுள்ளது. ​உடனடியாக மாட்டின் உரிமையாளர் கண்ணன் தீயணைப்புத் துறையினருக்குத் தகவல் அளித்தார். சம்பவ இடத்திற்கு விரைந்து வந்த தீயணைப்புத் துறையினர், எக்ஸ்கவேட்டர் (JCB) இயந்திரத்தின் உதவியுடன் கிணற்றுக்குள் இருந்த பசு மாட்டை மீட்க முயன்றனர். ஆனால், மீட்புப் பணிக்கு முன்பே பசுமாடு பரிதாபமாக உயிரிழந்தது தெரியவந்தது. ​மிக்க சிரமத்திற்கு இடையே கிணற்றிலிருந்து வெளியே கொண்டுவரப்பட்ட பசுமாட்டின் வயிற்றில் இருந்த கன்றும் உயிரிழந்த நிலையில் மீட்கப்பட்டது. இன்னும் ஓரிரு நாட்களில் கன்று ஈனவிருந்த பசுவும் அதன் கன்றும் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. ​ஏற்கனவே இந்த கிணற்றில் தகரம் மட்டுமே மூடப்பட்டிருந்ததால், பலமுறை கால்நடைகள் விழுந்து மீட்கப்பட்டதாகக் கூறும் அப்பகுதி மக்கள் மற்றும் சமூக ஆர்வலர்கள், அசம்பாவிதங்கள் தொடராமல் இருக்கச் சாலையோரத்தில் உள்ள இந்த ஆபத்தான கிணற்றை உடனடியாக நிரந்தரமாக உயரமான தடுப்பு சுவர் உயரமாக அமைத்து இது போன்ற அசம்பாவிதம் மீண்டும் ஏற்படாதவாறு வேண்டும் என ஊராட்சி நிர்வாகத்திற்குச் தீவிரக் கோரிக்கை விடுத்துள்ளனர்.