৯০ দশকৰ অসমৰ জনপ্ৰিয় কণ্ঠশিল্পী জিতুল সোণোৱালৰ এটা গীত সামাজিক মাধ্যমত ভাইৰেল হৈছে।

৯০ দশকৰ অসমৰ জনপ্ৰিয় কণ্ঠশিল্পী জিতুল সোণোৱালৰ এটা গীত সামাজিক মাধ্যমত ভাইৰেল হৈছে।

লখিমপুৰ জিলাৰ লালুকত এক ভয়ংকৰ পথ দুৰ্ঘটনা সংঘটিত হৈছে। ১৫ নং ৰাষ্ট্ৰীয় ঘাইপথত এখন এম্বুলেন্স আৰু এখন এল্টো বাহনৰ মাজত মুখামুখি সংঘৰ্ষ হয়।

শিৱসাগৰৰ অন্যতম সামাজিক আৰু সাংস্কৃতিক অনুষ্ঠান “সমন্বয় সাংস্কৃতিক গোষ্ঠী”ৰ উদ্যোগত, অসম নাট্য সন্মিলন-শিৱসাগৰ শাখাৰ সৌজন্যত, শিৱসাগৰ জিলা ভাৰতীয় সাংবাদিক মহাসংঘ (আইজেএফ) আৰু শংকৰদেৱ শিশু-বিদ্যা নিকেতনৰ সহযোগত ২০ জুন, শনিবাৰে বিদ্যালয়ৰ প্ৰাৰ্থনা গৃহত কলাগুৰু বিষ্ণু প্ৰসাদ ৰাভা দেৱৰ স্মৃতি দিৱস আৰু কবি-গীতিকাৰ, সৰস্বতী ড০ নিৰ্মলপ্ৰভা বৰদলৈৰ জন্ম দিৱস দিনজোৰা কাৰ্যসূচীৰে একেলগে উদযাপন কৰা হয়। সমন্বয় সাংস্কৃতিক গোষ্ঠীৰ প্ৰতিষ্ঠাপক প্ৰধান সম্পাদক তথা সাংবাদিক অমৃত কুমাৰ শৰ্মাই পৰিচালনা কৰা এই অনুষ্ঠানৰ কাৰ্যসূচীৰ পাতনি মেলে অসম নাট্য সন্মিলনৰ শিৱসাগৰ জিলা উপ-সভাপতি অনঙ্গ মোহন শৰ্মাই স্মৃতি তৰ্পণ কৰি। শংকৰদেৱ শিশু-বিদ্যা নিকেতনৰ পৰিচালনা সমিতিৰ সভাপতি জ্যোতি প্ৰসাদ দত্ত আৰু সৰস্বতী ড০ নিৰ্মলপ্ৰভা বৰদলৈৰ পৰিয়ালৰ নিবিড় বৰদলৈয়ে দুয়োগৰাকী শিল্পীৰ প্ৰতি শ্ৰদ্ধাঞ্জলি জ্ঞাপন কৰে। ইয়াৰ পাছতেই বিশিষ্ট কবি-লেখিকা অশ্ৰুমণি দত্ত ঘোষে কবি-গীতিকাৰ ড০ নিৰ্মলপ্ৰভা বৰদলৈৰ এটা কবিতা আবৃত্তিৰে মঞ্চ মুকলি কৰে। এই দিৱসৰ উপলক্ষে সমন্বয় সাংস্কৃতিক গোষ্ঠীৰ উপ-সভাপতি জুৰীমণি দত্ত, মুখ্য সমন্বয়ক পৰী শইকীয়া, সাংস্কৃতিক সম্পাদক দেৱজানী ৰাজখোৱা আৰু ইমন হুছেইনৰ তত্ত্বাৱধানত দিনৰ ১ বজাৰ পৰা ছাত্ৰ-ছাত্ৰীসকলৰ মাজত শিৱসাগৰ জিলা ভিত্তিত প্ৰথম শ্ৰেণীৰ পৰা দশম শ্ৰেণীলৈ দুটা শাখাত মহান শিল্পী দুগৰাকীৰ গীতৰ আধাৰত এক নৃত্য প্ৰতিযোগিতা অনুষ্ঠিত হয়। প্ৰায় অৰ্ধশতাধিক প্ৰতিযোগীয়ে অংশগ্ৰহণ কৰা এই প্ৰতিযোগিতাখনিত বিশিষ্ট শিল্পী জান্টুমণি শইকীয়াই বিচাৰকৰ আসন অলংকৃত কৰে। 'ক' শাখাত প্ৰাপ্তি দত্তই প্ৰথম স্থান, প্ৰিয়দৰ্শিনী শইকীয়াই দ্বিতীয় স্থান আৰু এঞ্জেল এনায়ট দাসে তৃতীয় স্থান লাভ কৰে। আনহাতে, 'খ' শাখাত ডেইজ মহনে প্ৰথম স্থান অধিকাৰ কৰাৰ লগতে ধৰিত্ৰী দাসে দ্বিতীয় আৰু পংখী দত্তই তৃতীয় স্থান দখল কৰে। অনুষ্ঠানত আমন্ত্ৰিত কবি হিচাপে কবি মিনতি দত্ত দুৱৰা আদিয়ে কবিতা আবৃত্তি কৰে আৰু জান্টুমণি শইকীয়াই গীত পৰিৱেশন কৰি সকলোকে আপ্লুত কৰে। বিভিন্ন সাংস্কৃতিক কাৰ্যসূচী অনুষ্ঠিত হোৱা এই দিৱসৰ অনুষ্ঠানত অদিত দত্ত, লাবন্য কলিতা, ময়ূৰী কোঁৱৰ, শিৱসাগৰ জিলা ভাৰতীয় সাংবাদিক মহাসংঘৰ সম্পাদক অৰ্পনা ভৰালী, মৌচুমী গগৈ শইকীয়া, ভাৰ্গৱ কোঁৱৰ আদিয়ে বিশেষ সহযোগিতা আগবঢ়ায়। অনুষ্ঠানৰ শেষত গোষ্ঠীৰ প্ৰধান সম্পাদক অমৃত কুমাৰ শৰ্মাই শলাগৰ শৰাই আগবঢ়ায় আৰু সভাপতি জিতেন কাকতিৰ নেতৃত্বত অসম সংগীতেৰে অনুষ্ঠানৰ সামৰণি পৰে।

পুৱাৰে পৰা হোৱা মুষলধাৰ বৰষুণৰ ফলত নাজিৰা নগৰৰ কেইবাটাও ৱাৰ্ডত ভয়াবহ জলাবদ্ধতাৰ সৃষ্টি হৈছে। নিষ্কাশন ব্যৱস্থাৰ দুৰ্বলতাৰ বাবে বহু এলেকা কৃত্ৰিম বানৰ কবলত পৰাত জনসাধাৰণৰ দৈনন্দিন জীৱন ব্যাহত হৈছে।

নেপালৰ ৰৌতাঘাটত প্ৰায় ১৫ ফুট দীঘল এটা প্ৰকাণ্ড প্ৰাপ্তবয়স্ক ৰজা ফেঁটী উদ্ধাৰ কৰা হৈছে।

অলপ পলম হোৱাৰ বাবে এজন পৰীক্ষাৰ্থীক NEET পৰীক্ষা কেন্দ্ৰত প্ৰৱেশ কৰিবলৈ দিয়া নহ'ল। এই ঘটনাৰ ফলত মৰ্মাহত হৈ সেই দুৰ্ভগীয়া পিতৃ পৰীক্ষা কেন্দ্ৰৰ সন্মুখতে ঢলি পৰে।

জনসাধাৰণৰ সুবিধা আৰু উন্নত যাতায়াত ব্যৱস্থা নিশ্চিত কৰাৰ লক্ষ্যৰে চলি থকা ধোদৰ আলিৰ নিৰ্মাণ কাৰ্যৰ অগ্ৰগতি আৰু গুণগত মানৰ বুজ ল'বলৈ সোণাৰিৰ বিধায়ক ধৰ্মেশ্বৰ কোঁৱৰে আজি নিৰ্মাণস্থলী পৰিদৰ্শন কৰে। বিধায়কে বিশেষভাৱে গুৰুত্ব আৰোপ কৰে যে এই নিৰ্মাণ কাৰ্য নিৰ্ধাৰিত সময়সীমাৰ ভিতৰত আৰু মানদণ্ড অক্ষুণ্ণ ৰাখি সম্পূৰ্ণ হ'ব লাগিব।

Post by পুৰন্দৰ গগৈ