#power of politics india#

Post by Eagle.47999

સ્વાનિક સ્વરાજ્યની ચૂંટણીમા વધુમાં વધુ મતદાન કરવા સાબરકાંઠા જિલ્લા ચૂંટણી અધિકારીની અપીલ

મહેસાણા જિલ્લો ચૂંટણી મોડમાં: 1723 મતદાન મથકે પાણી, વ્હીલચેર અને એમ્બ્યુલન્સ સાથે તંત્ર તૈયાર, કલેક્ટરે કરી 100% મતદાનની હાકલ *મહેસાણા*: આગામી સ્થાનિક સ્વરાજ્યની ચૂંટણીને લઈ મહેસાણા જિલ્લા વહીવટી તંત્રએ મોરચો સંભાળી લીધો છે. જિલ્લા ચૂંટણી અધિકારી કમ કલેક્ટર એસ. કે. પ્રજાપતિએ જણાવ્યું કે જિલ્લામાં લોકશાહીના આ મહાપર્વને સફળ બનાવવા તમામ તૈયારીઓને આખરી ઓપ આપી દેવાયો છે. જિલ્લાના નાગરિકો વધુમાં વધુ સંખ્યામાં મતદાન કરે તે માટે તંત્રએ વિશેષ આયોજન કર્યું છે. જિલ્લામાં તાલુકા-જિલ્લા પંચાયત, નગરપાલિકા અને મહાનગરપાલિકા મળી કુલ 1723 મતદાન મથકો પર મતદાન યોજાશે. આ માટે 8134 પોલિંગ સ્ટાફ અને 3313 પોલીસ સ્ટાફ તાલુકા-જિલ્લા પંચાયતની ચૂંટણીમાં, નગરપાલિકા માટે 799 પોલિંગ અને 382 પોલીસ સ્ટાફ તથા મહાનગરપાલિકા માટે 777 પોલિંગ અને 395 પોલીસ સ્ટાફ ફરજ બજાવશે. ગરમીના માહોલ વચ્ચે મતદારોને કોઈ તકલીફ ન પડે તે માટે દરેક મતદાન મથકે શુદ્ધ પાણી, મંડપની વ્યવસ્થા ગોઠવાઈ છે. દિવ્યાંગજનો માટે 852 વ્હીલચેર, આરોગ્ય સેવા માટે મોબાઈલ મેડિકલ ટીમ અને 74 એમ્બ્યુલન્સ તૈયાર રખાઈ છે. પોલિંગ સ્ટાફની અગાઉથી મેડિકલ તપાસ પણ કરાવી લેવાઈ છે. જિલ્લામાં મતદાન ટકાવારી વધારવા 'મતદાર જાગૃતિ કાર્યક્રમ' અંતર્ગત સોશિયલ મીડિયા, અખબારો અને ટીવી દ્વારા સંદેશાઓ પ્રસારિત કરાયા છે. દૂધ મંડળીઓ, શાળાઓમાં રેલીઓ, સિગ્નેચર કેમ્પેઈન, સેલ્ફી ઝોન અને ડોર-ટુ-ડોર વેસ્ટ કલેક્શન વાન દ્વારા ઓડિયો ક્લિપ્સથી જનજાગૃતિ લાવવામાં આવી રહી છે. કલેક્ટરે જિલ્લાવાસીઓને અપીલ કરતાં કહ્યું કે લોકશાહીને મજબૂત બનાવવા દરેક મતદારે અચૂક મતદાન કરવું જોઈએ.

મહીસાગર જિલ્લામાં સ્થાનિક સ્વરાજ્યની સંસ્થાઓની ચૂંટણીઓ માટે વહીવટી તંત્ર સંપૂર્ણ સજ્જ: જિલ્લા ચૂંટણી અધિકારી અને કલેક્ટર સુશ્રી અર્પિત સાગર **** જિલ્લા પંચાયત, ૮ તાલુકા પંચાયતો અને લુણાવાડા નગરપાલિકાની પેટા ચૂંટણી માટે આગામી તા. ૨૬મી એપ્રિલે મતદાન યોજાશે **** *શાંતિપૂર્ણ અને નિષ્પક્ષ ચૂંટણી માટે ૫૦૦૦ થી વધુ પોલિંગ સ્ટાફ અને ૨૨૦૦ થી વધુ પોલીસ જવાનો ફરજ બજાવશે **** લોકશાહીના આ પર્વમાં અચૂક મતદાન કરી પોતાની ફરજ નિભાવવા જિલ્લાવાસીઓને કલેક્ટરશ્રીની અપીલ **** સ્થાનિક સ્વરાજ્યની સંસ્થાઓની સામાન્ય ચૂંટણી-૨૦૨૬ અંતર્ગત મહીસાગર જિલ્લામાં વહીવટી તંત્ર દ્વારા તમામ તૈયારીઓને આખરી ઓપ આપી દેવામાં આવ્યો છે. મહીસાગર જિલ્લા પંચાયત, ૮ તાલુકા પંચાયતોની સામાન્ય ચૂંટણી તેમજ લુણાવાડા નગરપાલિકાના વોર્ડ નંબર ૫ ની એક બેઠકની પેટા ચૂંટણી માટે આગામી તારીખ ૨૬ એપ્રિલ, ૨૦૨૬ (રવિવાર) ના રોજ મતદાન યોજાશે, જ્યારે તારીખ ૨૮ એપ્રિલ, ૨૦૨૬ (મંગળવાર) ના રોજ મતગણતરી હાથ ધરવામાં આવશે. જિલ્લા ચૂંટણી અધિકારી અને કલેક્ટર સુશ્રી અર્પિત સાગરે જિલ્લાના તમામ મતદારોને લોકશાહીના આ પર્વમાં ઉત્સાહભેર ભાગ લેવા અપીલ કરી છે. જિલ્લા કલેક્ટર સુશ્રી અર્પિત સાગરે ચૂંટણી વ્યવસ્થાપનની વિગતો આપતા જણાવ્યું હતું કે, જિલ્લા પંચાયતની કુલ ૨૮ બેઠકો માટે તેમજ ૮ તાલુકા પંચાયતોની કુલ ૧૫૦ બેઠકો પૈકી ૧૪૭ બેઠકો પર ઉમેદવારો ચૂંટણી મેદાનમાં છે. આ ઉપરાંત લુણાવાડા નગરપાલિકાના વોર્ડ નંબર ૫ ની ૧ બેઠક પર પેટા ચૂંટણી યોજાશે. જિલ્લામાં કુલ ૮ ડિસ્પેચિંગ સેન્ટર કાર્યરત કરવામાં આવ્યા છે, જ્યાંથી આજે ચૂંટણી સામગ્રીનું વિતરણ કરવામાં આવી રહ્યું છે.તાલુકા પંચાયત માટે કુલ ૯૧૩ અને નગરપાલિકા માટે ૬ મતદાન મથકો પર મતદારો પોતાના મતાધિકારનો ઉપયોગ કરશે.

સાબરકાંઠા જિલ્લા ની ખેડબ્રહ્મા જિલ્લા પંચાયત, 4 અને તાલુકા પંચાયત ની 20 બેઠકો માટે ચૂંટણી માટે 26 એપ્રિલે મતદાન યોજાશે. આ માટે આજે ખેડબ્રહ્મા પોલીસ સ્ટેશનમાં બંદોબસ્તની ફાળવણી કરવામાં આવી હતી. આજરોજ EVMનું ડિસ્પેચિંગ કરાયુ હતુ બુથ પર ના તમામ કર્મચારીઓ પોત પોતાના બુથ ને લગતી સ્ટેશનરી EVM સહીત ના કામ પતાવી સાથે લઈ પોતપોતાના બુથ પર રવાના થયા હતા

Post by Salman moravala

Post by Chandrasekhar Bhavsar

વિજાપુર ના વસઈમાં ઓસ્ટ્રેલિયા મોકલવાના બહાને ડાભલા ચાર રસ્તા પાસે ગેસ્ટ હાઉસમાં પિસ્તોલ બતાવી ૬૪ લાખની લૂંટ ચલાવનાર બે આરોપી LCB એ ઝડપ્યા, ૨૪ લાખ રોકડ અને સ્વિફ્ટ કાર જપ્ત *મહેસાણા*: વિજાપુર તાલુકાના વસઈ ગામે ઓસ્ટ્રેલિયા મોકલવાના બહાને બનેલી ૬૪ લાખ રૂપિયાની લૂંટનો ભેદ મહેસાણા લોકલ ક્રાઈમ બ્રાન્ચે ગણતરીના દિવસોમાં ઉકેલી નાખ્યો છે. પોલીસે લૂંટના બે આરોપીઓની ધરપકડ કરી ૨૪ લાખ રૂપિયા રોકડા અને ગુનામાં વપરાયેલી સ્વિફ્ટ કાર જપ્ત કરી છે. ગત ૨૦ એપ્રિલના રોજ વસઈ ગામના બળવંતસિંહ સતુજી ચાવડા પોતાના દીકરા સિદ્ધાર્થને ઓસ્ટ્રેલિયા મોકલવા માટે વિદેશ એજન્ટ નિલેશ બ્રહ્મભટ્ટના સંપર્કમાં આવ્યા હતા. નિલેશે દિલ્હીથી બે માણસો મોકલ્યા હોવાનું જણાવી ડાભલા ચાર રસ્તા નજીકના ગેસ્ટ હાઉસમાં મુલાકાત ગોઠવી હતી. ત્યાં બળવંતસિંહ અને મુકેશ વણઝારાના ભાઈ ઈશ્વર વણઝારા ૬૪ લાખ રૂપિયા લઈને પહોંચ્યા હતા. આરોપીઓએ પિસ્તોલ જેવું હથિયાર બતાવી રકમ આંચકી લીધી હતી અને નંબર પ્લેટ વગરની સ્વિફ્ટ કારમાં ભાગી ગયા હતા. વસઈ પોલીસ સ્ટેશનમાં લૂંટની ફરિયાદ નોંધાતાં જ ગાંધીનગર રેન્જના નાયબ પોલીસ મહાનિરીક્ષક વીરેન્દ્રસિંહ યાદવ અને મહેસાણા પોલીસ અધિક્ષક હિમાંશુ સોલંકીની સૂચનાથી LCBના PI એસ.આર. ચૌધરીએ અલગ-અલગ ટીમો બનાવી તપાસ શરૂ કરી હતી. CCTV ફૂટેજ અને ટેકનિકલ સર્વેલન્સના આધારે રાજસ્થાન નંબર પ્લેટવાળી સ્વિફ્ટ ડિઝાયર કારનો સુરાગ મળ્યો હતો. તપાસમાં વિશાનસિંહ રાઠોડ અને ભાવેશ વાળંદ નામના બે આરોપીઓને રાજસ્થાન અને વડોદરા વિસ્તારમાંથી ઝડપી લેવામાં આવ્યા છે. તેમની પાસેથી લૂંટના ૨૪ લાખ રૂપિયા અને વપરાયેલી કાર જપ્ત કરવામાં આવી છે. DySP દીનેશ સિંહે પ્રેસ કોન્ફરન્સમાં જણાવ્યું કે CCTV અને ટેકનિકલ તપાસના આધારે આરોપીઓને ઝડપવામાં સફળતા મળી છે. અન્ય આરોપીઓની શોધખોળ ચાલુ છે. LCBએ આરોપીઓને વસઈ પોલીસને સોંપી આગળની કાર્યવાહી હાથ ધરી છે.