आदरणीय बाळासाहेब आंबेडकर यांच्या आवाहनाला प्रतिसाद देत वंचित बहुजन आघाडीच्या वतीने आज अक्कलकोट शहर कडकडीत बंद ठेवण्यात आले. या बंदला व्यापारी, कार्यकर्ते आणि नागरिकांचा उत्स्फूर्त प्रतिसाद मिळाला असून शहरातील अनेक व्यापारी प्रतिष्ठाने स्वयंस्फूर्तीने बंद ठेवण्यात आली होती. बंददरम्यान कायदा व सुव्यवस्था अबाधित राहावी यासाठी पोलिस प्रशासनाने शहरात आवश्यक बंदोबस्त ठेवला होता. वंचित बहुजन आघाडीच्या कार्यकर्त्यांनी शांततेच्या मार्गाने जनजागृती करत हा बंद यशस्वी केला. या बंदच्या माध्यमातून विविध सामाजिक आणि जनहिताच्या प्रश्नांकडे शासनाचे लक्ष वेधण्याचा प्रयत्न करण्यात आला आहे. संपूर्ण बंद अत्यंत शांततापूर्ण वातावरणात पार पडल्याची माहिती वंचित बहुजन आघाडीच्या पदाधिकाऱ्यांनी दिली आहे.

आदरणीय बाळासाहेब आंबेडकर यांच्या आवाहनाला प्रतिसाद देत वंचित बहुजन आघाडीच्या वतीने आज अक्कलकोट शहर कडकडीत बंद ठेवण्यात आले. या बंदला व्यापारी, कार्यकर्ते आणि नागरिकांचा उत्स्फूर्त प्रतिसाद मिळाला असून शहरातील अनेक व्यापारी प्रतिष्ठाने स्वयंस्फूर्तीने बंद ठेवण्यात आली होती. बंददरम्यान कायदा व सुव्यवस्था अबाधित राहावी यासाठी पोलिस प्रशासनाने शहरात आवश्यक बंदोबस्त ठेवला होता. वंचित बहुजन आघाडीच्या कार्यकर्त्यांनी शांततेच्या मार्गाने जनजागृती करत हा बंद यशस्वी केला. या बंदच्या माध्यमातून विविध सामाजिक आणि जनहिताच्या प्रश्नांकडे शासनाचे लक्ष वेधण्याचा प्रयत्न करण्यात आला आहे. संपूर्ण बंद अत्यंत शांततापूर्ण वातावरणात पार पडल्याची माहिती वंचित बहुजन आघाडीच्या पदाधिकाऱ्यांनी दिली आहे.

भारतात पाण्यापासून चालणाऱ्या हायड्रोजन इंधनावरील पहिली रेल्वे सेवा सुरू झाली आहे. देशातील ही अशा प्रकारची पहिलीच हायड्रोजन ट्रेन ठरली आहे.

वाटंबरे येथील जिल्हा प्राथमिक केंद्र शाळेची बालदिंडी मोठ्या उत्साहात पार पडली आहे. या बालदिंडी सोहळ्यात अत्यंत उत्साहपूर्ण वातावरण पाहायला मिळाले.

दिल्लीत विद्यार्थ्यांवर झालेल्या लाठीचार्जच्या निषेधार्थ वंचित बहुजन आघाडीचे नेते प्रकाश आंबेडकर यांनी महाराष्ट्र बंदचे आवाहन केले होते. या आवाहनाला उत्स्फूर्त प्रतिसाद देत लातूरमध्ये वंचित बहुजन आघाडीच्या वतीने लातूर बंद पाळण्यात आला. या आंदोलनामुळे शहरातील सर्व व्यापार आणि व्यवसाय आज पूर्णपणे बंद ठेवण्यात आले आहेत. सकाळी शहरातील डॉ. बाबासाहेब आंबेडकर चौक याठिकाणी वंचित बहुजन आघाडीचे सर्व पदाधिकारी आणि कार्यकर्ते एकत्र आले. तिथून डॉ. बाबासाहेब आंबेडकर चौक ते डॉ. बाबासाहेब आंबेडकर पार्कपर्यंत मोर्चा काढून व्यापाऱ्यांना व व्यावसायिकांना बंदचे आवाहन करण्यात आले. व्यापाऱ्यांनी आणि व्यावसायिकांनी देखील उत्स्फूर्तपणे प्रतिसाद देत दिल्ली येथील विद्यार्थी लाठीचार्ज घटनेच्या निषेधार्थ आपले व्यवहार बंद ठेवले.

दिल्लीतील जंतर-मंतर येथे सुरू असलेल्या आंदोलनाचा आज ३४ वा दिवस आहे. या प्रसंगी सी जे पी चे संस्थापक अध्यक्ष अभिजीत दिपके यांनी प्रसारमाध्यमांशी संवाद साधत सरकारवर अत्यंत गंभीर आरोप केले आहेत आणि या आंदोलनाबाबत आपली ठाम भूमिका स्पष्ट केली आहे. गुरुवार, २३ जुलै २०२६ रोजी दिलेल्या या विशेष मुलाखतीत अभिजीत दिपके यांनी सरकारविरोधात आक्रमक पवित्रा घेतला. आंदोलनाच्या ३४ व्या दिवशी त्यांनी माध्यमांसमोर नेमके काय मोठे वक्तव्य केले आणि आपली काय भूमिका मांडली, यासंदर्भातील सविस्तर माहिती त्यांनी दिली आहे.

दिल्लीतील जंतर मंतर येथे विद्यार्थ्यांवर झालेल्या अमानुष मारहाण प्रकरणी श्रद्धेय बाळासाहेब आंबेडकर यांनी बंद पुकारला होता. श्रद्धेय बाळासाहेब आंबेडकरांच्या या बंदच्या हाकेला उदगीरमध्ये शांततेत प्रतिसाद मिळाला आहे.

दिल्ली येथील जंतर-मंतर प्रकरणाच्या निषेधार्थ धारूर येथे बंद पाळण्यात आला आहे. वंचित बहुजन आघाडीच्या वतीने पुकारण्यात आलेल्या या बंदला उत्स्फूर्त प्रतिसाद मिळाला असून, जंतर-मंतरवरील घटनेचा निषेध नोंदवण्यासाठी या बंदचे आयोजन करण्यात आले होते.

श्री स्वामी समर्थ अन्नछत्र मंडळाचा ३९ वा वर्धापनदिन व गुरूपौर्णिमा महोत्सवांतर्गत आयोजित चौथ्या पुष्पात ख्यातनाम गायिका आर्या आंबेकर यांच्या ‘स्वर आर्या’ कार्यक्रमाने श्रोते भारावून गेले. या प्रसंगी आर्या आंबेकर व सहकलाकारांनी श्री गणेश स्तवन, तारकमंत्र, 'निशंक हो.. निर्भय हो..', 'भाग्यदा लक्ष्मी बारम्मा', 'श्री स्वामी समर्थ जय जय स्वामी समर्थ' आणि 'विठ्ठल विठ्ठल' यांसारखी विविध मराठी, हिंदी व कन्नड भावगीते आणि भक्तिगीते सादर केली. हा सोहळा न्यासाचे संस्थापक अध्यक्ष जनमेजयराजे विजयसिंहराजे भोसले यांच्या मार्गदर्शनाखाली व न्यासाचे कार्यकारी अध्यक्ष अमोलराजे जनमेजयराजे भोसले यांच्या नेतृत्वाखाली बुधवारी सायंकाळी संपन्न झाला. कार्यक्रमाचे दीपप्रज्वलन संपादक महेश रामदासी, माजी नगरसेवक विजुभाऊ तांडेल, संपादक प्रशांत माने, सुनील घाटे, संपतराव शिंदे, नगरसेवक महेश हिंडोळे, सद्धाम शेरीकर, पंचायत समिती सदस्य विनोद मोरे, अपाशा किवडे, प्रथमेश इंगळे, आराध्य तांडेल, सेन्ट्रल बँक ऑफ इंडियाचे रिजनल हेड अंचित कुमार, बीड युवा सेना प्रमुख ऋषिकेश लोमटे, गणेश केरे पाटील, बाळकृष्ण लावंड, गुरुनाथ बुचांडे व कल्याणराव साळुंके यांच्या हस्ते पार पडले. दरम्यान, श्रींची प्रतिमा, नटराज व स्वर्गीय लतादीदी मंगेशकर यांच्या प्रतिमेचे पूजन करण्यात आले, तसेच पुरोहित सोमकांत कुलकर्णी यांचे चिरंजीव कु. स्वराज याने छत्रपती शिवाजी महाराजांच्या इतिहासावर मनोगत व्यक्त केले. कार्यक्रमात न्यासाच्या वतीने गायिका आर्या आंबेकर यांचा सत्कार करण्यात आला. न्यासाचे मुख्य पुरोहित अप्पू पुजारी, संजय कुलकर्णी, सोमकांत कुलकर्णी व विश्वंभर पुजारी यांच्या हस्ते मंत्रपठणाने पूजन संपन्न झाले. या प्रसंगी न्यासाच्या विश्वस्त अलकाताई जनमेजयराजे भोसले, अर्पिताराजे अमोलराजे भोसले, उपाध्यक्ष अभय खोबरे, सचिव शामराव मोरे यांच्यासह सर्व पदाधिकारी, सेवेकरी, कर्मचारी आणि भक्तगण मोठ्या संख्येने उपस्थित होते. कार्यक्रमाचे प्रास्ताविक व सूत्रसंचलन श्वेता हुल्ले यांनी केले, तर सचिव शामराव मोरे यांनी रसिकप्रेक्षकांचे स्वागत करून आभार मानले.