દસાડાના સુરેલ ગામે ભીષણ આગ: બે બાઇક અને જુવારના પૂળા બળીને ખાખ, અંદાજિત દોઢ લાખનું નુકસાન દસાડા તાલુકાના સુરેલ ગામે અચાનક આગ લાગવાની એક ગંભીર ઘટના સામે આવી છે. આ આગના બનાવમાં પશુઓ માટેના ઘાસચારા સમાન જુવારના પૂળા અને બે મોટરસાયકલ બળીને સંપૂર્ણપણે ખાખ થઈ ગયા છે. આગ એટલી ઝડપથી ફેલાઈ હતી કે જોતજોતામાં જ ભારે તારાજી સર્જાઈ હતી અને લાખો રૂપિયાનું નુકસાન નોંધાયું હતું, જેના કારણે સ્થાનિક વિસ્તારમાં ભારે દોડધામ મચી ગઈ હતી. ​પ્રાપ્ત વિગતો અનુસાર, આ દુર્ઘટનામાં સુરેલ ગામના રહીશ પેલાદભાઈ મોહનભાઇ અને વજાભાઈ મોહનભાઇને મોટું નુકસાન સહન કરવાનો વારો આવ્યો છે. આ બંને વ્યક્તિઓની માલિકીના બાઇક તેમજ જુવારના પૂળા આગની લપેટમાં આવી જતા બળીને નાશ પામ્યા હતા. પ્રાથમિક અંદાજ મુજબ આ આગના બનાવમાં બંને પરિવારોને કુલ 1.5 લાખ રૂપિયા જેટલું માતબર નુકસાન થયું છે, જેનાથી પીડિત પરિવારો હાલ ભારે ચિંતામાં મુકાયા છે.

દસાડા તાલુકાના સુરેલ ગામે અચાનક આગ લાગવાની એક ગંભીર ઘટના સામે આવી છે. આ આગના બનાવમાં પશુઓ માટેના ઘાસચારા સમાન જુવારના પૂળા અને બે મોટરસાયકલ બળીને સંપૂર્ણપણે ખાખ થઈ ગયા છે. આગ એટલી ઝડપથી ફેલાઈ હતી કે જોતજોતામાં જ ભારે તારાજી સર્જાઈ હતી અને લાખો રૂપિયાનું નુકસાન નોંધાયું હતું, જેના કારણે સ્થાનિક વિસ્તારમાં ભારે દોડધામ મચી ગઈ હતી. ​પ્રાપ્ત વિગતો અનુસાર, આ દુર્ઘટનામાં સુરેલ ગામના રહીશ પેલાદભાઈ મોહનભાઇ અને વજાભાઈ મોહનભાઇને મોટું નુકસાન સહન કરવાનો વારો આવ્યો છે. આ બંને વ્યક્તિઓની માલિકીના બાઇક તેમજ જુવારના પૂળા આગની લપેટમાં આવી જતા બળીને નાશ પામ્યા હતા. પ્રાથમિક અંદાજ મુજબ આ આગના બનાવમાં બંને પરિવારોને કુલ 1.5 લાખ રૂપિયા જેટલું માતબર નુકસાન થયું છે, જેનાથી પીડિત પરિવારો હાલ ભારે ચિંતામાં મુકાયા છે.

લીંબડી ઘાઘરેટિયા ગામે લગ્ન ના પવિત્ર બંધનમાં બંધાતા પહેલા નવદંપતિ એ મતદાન કરી સૌને મતદાન કરવા અપીલ કરી લીંબડી તાલુકા ના ઘાઘરેટિયા ગામે દિકરી ને પરણવા જાન આવી હતી અને દિકરી એ ચોરી ના ચાર ફેરા ફરી સાસરીયે જતા પહેલા તેણે સાબિત કર્યું છે કે તેના માટે દેશ ની સેવા સર્વોપરી છે. ઘાઘરેટિયા ગામે મનસુખભાઇ પટેલ ના ઘરે દિકરી આરતીબેન ના લગ્ન હોય તેને પરણવા જાન આવી હતી. પરંતુ આરતીબેને લગ્ન મંડપમાં ચોરી એ ચડી ચાર ફેરા ફરે એ પહેલાં મતદાન કરવા ઘાઘરેટિયા પ્રાથમિક શાળામાં મતદાન બુથ મથકે પહોચી હતી. અને પોતાનો પવિત્ર અને કિમતી મત આપી પોતાની ફરજ અદા કરી હતી. અને તેના આ નવદંપતિ એ સૌ ને મતદાન કરવા અપીલ કરી હતી. બાઇટ :- આરતીબેન તથા પતિ રાજુભાઈ નવદંપતિ

કડી નગરપાલિકાના 2 વોર્ડમાં 65.79 ટકા મતદાન તાલુકા પંચાયતની બેઠકોનું સૌથી વધુ 74.91 ટકા મતદાન નોંધાયું.કડી તાલુકા પંચાયત અને કડી નગરપાલિકામાં સ્થાનિક સ્વરાજ્યની ચૂંટણીઓ રવિવારે શાંતિપૂર્ણ માહોલમાં યોજાઇ ગઈ. મહેસાણા જિલ્લાની 10 તાલુકા પંચાયતોમાં સૌથી વધુ કડી તાલુકાનું મતદાન નોંધાયું હતું.જો કે કાળઝાળ ગરમી વચ્ચે મતદારોમાં ઉત્સાહ જોવા મળ્યો હતો.સવારથી જ મતદાન મથક ઉપર લાંબી લાઈનો લાગી હતી.કડી તાલુકા પંચાયતની 29 બેઠકો અને જિલ્લા પંચાયતની 7 બેઠકો માટે કુલ 237 બુથ ઉપર મતદાન થયું હતું. જ્યારે કડી નગરપાલિકાના વોર્ડ નંબર 2 અને 5 માં ફુલ 14 મતદાન બુથ ઉપર મતદાન થયું હતું.અહીં પણ સવારના સમયે મતદારોનો ઘસારો જોવા મળ્યો હતો પરંતુ બપોરે ગરમીના કારણે સંખ્યામાં ઘટાડો થયો હતો. મતદાન પુરું થતાં 65 ટકા મતદાન નોંધાયુ હતું.કડી તાલુકા પંચાયત અને જિલ્લા પંચાયતની બેઠકોનું મતદાન પૂર્ણ થતા EVM મશીનો અને બુથ કર્મચારીઓને રૂટ મુજબ એસ.ટી બસ મારફતે કડી કરણનગર રોડ પર આવેલ સેવાસદન મામલતદાર કચેરી ખાતે પહોંચાડવામાં આવ્યા હતા.

અમદાવાદ બસટેજ

મુંબઈના ૨.૬૬ કરોડના ડ્રગ્સ કેસમાં ફરાર આરોપીને મહેસાણાની ઉનાવા પોલીસે ઝડપી પાડ્યો મહારાષ્ટ્રના મુંબઈ ખાતે નોંધાયેલ કરોડો રૂપિયાના ડ્રગ્સના ગુનામાં છેલ્લા કેટલાક સમયથી નાસતા ફરતા રીઢા ગુનેગારને ઝડપી પાડવામાં ઉનાવા પોલીસને મોટી સફળતા મળી છે. નયાનગર પોલીસ સ્ટેશનમાં નોંધાયેલ ૨,૬૬,૧૭,૨૮૦/- રૂપિયાના એમ.ડી. ડ્રગ્સના કેસમાં સંડોવાયેલ આ આરોપી ઉનાવાની એક હોટલમાં છુપાયો હોવાની બાતમીના આધારે પોલીસે આ ઓપરેશન પાર પાડ્યું હતું. ગુનાની વિગત અને પોલીસ કાર્યવાહી મુંબઈના નયાનગર પોલીસ સ્ટેશનમાં ગત તા. ૦૪/૦૪/૨૦૨૬ના રોજ એન.ડી.પી.એસ. એક્ટ હેઠળ ગુનો નોંધવામાં આવ્યો હતો. આ કેસમાં આશરે ૨.૬૪ કરોડની કિંમતનો સફેદ પાવડર (એમ.ડી. ડ્રગ્સ) સહિત કુલ ૨.૬૬ કરોડથી વધુનો મુદ્દામાલ જપ્ત કરવામાં આવ્યો હતો. આ ગંભીર ગુનામાં સંડોવાયેલ આરોપી મોહમદ વસીમ યુસુફ શેખ (ઉં.વ. ૩૩) પોલીસની ધરપકડથી બચવા માટે નાસતો ફરતો હતો. ગાંધીનગર રેન્જ આઈ.જી. વિરેન્દ્રસિંહ યાદવ અને મહેસાણા પોલીસ અધિક્ષક હિમાંશુ સોલંકીની સૂચના મુજબ, સ્થાનિક સ્વરાજની ચૂંટણીની ફરજમાં રહેલા ઉનાવા પોલીસ સ્ટાફને ખાનગી રાહે બાતમી મળી હતી. બાતમી મુજબ, આરોપી ઉનાવાની 'ડીસેન્ટ હોટલ' માં રોકાયેલ છે. જેવી ચોક્કસ હકીકત મળતા જ પોલીસ સબ ઇન્સ્પેક્ટર એસ.વી. પઢારીયાના માર્ગદર્શન હેઠળ ટીમે હોટલ પર દરોડો પાડી આરોપીને દબોચી લીધો હતો. આરોપીની ઓળખ નામ: મોહમદ વસીમ યુસુફ શેખ (ઉં.વ. ૩૩) હાલનું સરનામું: ઓમકાર બિલ્ડિંગ, શાંતિ ગાર્ડન પાસે, મીરા રોડ, મુંબઈ મૂળ રહેવાસી:** કેશવરાવ કદમ માર્ગ, મુંબઈ સેન્ટ્રલ, મહારાષ્ટ્ર આગળની કાર્યવાહી ઉનાવા પોલીસે આરોપી વિરુદ્ધ ભારતીય નાગરિક સુરક્ષા સંહિતા ૨૦૨૩ની કલમ ૩૫ ( ૧ ) ( જે ) મુજબ કાર્યવાહી કરી છે. આ ધરપકડ અંગે મહારાષ્ટ્રની નયાનગર પોલીસને જાણ કરવામાં આવી છે અને આગળની તપાસ માટે તેને મુંબઈ પોલીસને સોંપવાની તજવીજ હાથ ધરવામાં આવી છે. આ સમગ્ર સફળ કામગીરીમાં ઉનાવા પોલીસ સ્ટેશનના પીએસઆઈ એસ.વી. પઢારીયા, હેડ કોન્સ્ટેબલ ભગવાનભાઇ સોમાભાઇ, કોન્સ્ટેબલ રમેશભાઇ, ધવલકુમાર અને ડ્રાઈવર વિજયકુમાર સહિતના સ્ટાફ જોડાયો હતો. રિપોર્ટર ભાવિન ભાવસાર મહેસાણા

સાણંદ તાલુકાના બકરાણા ગામે રામાપીરનો પાઠ યોજાયો મહામંડલેશ્વર ૧૦૦૮ ઋષિભારતી બાપુએ આપી હાજરી સાણંદ તાલુકાના બકરાણા ગામે ચૌહાણ પરિવાર દ્વારા આયોજિત ધાર્મિક ઉત્સવની ભવ્ય ઉજવણી કરવામાં આવી હતી. સ્વ. લાલાભાઈ ફુલાભાઈ ચૌહાણની તિથિ નિમિત્તે ભગવાન રામાપીરનો પાઠ અને વિશેષ ભક્તિમય કાર્યક્રમનું આયોજન કરવામાં આવ્યું હતું. સંતોના આશીર્વચન આ પ્રસંગે મહામંડલેશ્વર ૧૦૦૮ ઋષિભારતી બાપુ ખાસ ઉપસ્થિત રહ્યા હતા. તથા સદાશિવ બાપુ અમરાપુરિધામ માટકોલ up કાર્યક્રમ દરમિયાન બાપુએ ભક્તોને આશીર્વચન પાઠવ્યા હતા અને ધર્મનો માર્ગ દીપાવવા પ્રેરણા આપી હતી. સંતોની પાવન ઉપસ્થિતિથી સમગ્ર વાતાવરણ ભક્તિમય બની ગયું હતું. ભક્તિમય આયોજન ચૌહાણ મહેશભાઈ લાલાભાઈ અને સમગ્ર ચૌહાણ પરિવાર દ્વારા આ આયોજન કરવામાં આવ્યું હતું. ૨૬ એપ્રિલ ૨૦૨૬ના ભાવિભક્તો એ સાંજે પાઠ તેમજ ધાર્મિક વિધિઓનો લાભ લીધો હતો બકરાણા અને આસપાસના વિસ્તારના ભાવિક ભક્તોએ મોટી સંખ્યામાં હાજર રહી દર્શન અને પ્રસાદનો લ્હાવો લીધો હતો. ચૌહાણ પરિવારે પધારેલા તમામ મહેમાનો અને ગ્રામજનોનો આભાર વ્યક્ત કર્યો હતો. રિપોર્ટ ભરતસિંહ ચૌહાણ સાણંદ

Post by Dabhi dashubha

લીંબડી ચૂંટણી 2026: 95 વર્ષની દાદીથી લઈને નવવધુ સુધી મતદાનનો જબરદસ્ત ઉત્સાહ લીંબડી નગરપાલિકા ચૂંટણી 2026માં મતદારોમાં અનોખો ઉત્સાહ જોવા મળ્યો. 95 વર્ષની વડીલ માજી જાદવ મોતીબેન દ્વારા મતદાન કરવામાં આવ્યું, જ્યારે નવવિવાહિત દુલ્હન જયશ્રીબેન મુકેશભાઈ મકવાણાએ લગ્નના ફેરા પહેલા જ પોતાના મતાધિકારનો ઉપયોગ કરી સૌને પ્રેરણા આપી. ગરમી હોવા છતાં મતદારોમાં કોઈ ઘટાડો જોવા મળ્યો નહીં અને દરેક વયના લોકો લોકશાહી ના આ મહોત્સવમાં જોડાયા. લીંબડી મતવિસ્તારના ધારાસભ્ય કિરીટસિંહ રાણા દ્વારા પણ મતદાન મથકોની મુલાકાત લઈ સ્થિતિનું નિરીક્ષણ કરવામાં આવ્યું અને જીતનો વિશ્વાસ વ્યક્ત કર્યો. 👉 તમારો મત, તમારો અધિકાર — જરૂરથી ઉપયોગ કરો! 🗳️